|
|
 |
| (GMT+08:00)
2006-03-17 10:57:54
|
 |
|
ຝ່າຍທະຫານໄທຮຽກຮ້ອງໃຫ້ຝ່າຍທີ່ກ່ຽວຂ້ອງສິ້ນສຸດການເປັນປໍລະປັກກັນ
cri
Author: sayvanny
ວິທະຍຸສາກົນແຫ່ງປະເທດຈີນລາຍງານວ່າ:ວັນທີ 16 ມີນາ ຢູ່ບາງກອກ, ທ່ານນາຍພົນເລືອງໂຣດ.ມະຫາສະລານົນ ຜູ່ບັນຊາການສູງສຸດຂອງກອງປະກອບອາວຸດໄທເວົ້າວ່າ, ບັນດາຝ່າຍທີ່ມີສ່ວນກ່ຽວຂ້ອງກັບການປັ່ນປ່ວນທາງການເມືອງໃນສະເພາະຫນ້ານີ້ຄວນສິ້ນສຸດການເປັນປໍລະປັກກັນ, ແລະເລີ່ມເຈລະຈາກັນ.
ໃນເວລາໃຫ້ສຳພາດຕໍ່ນັກຂ່າວໃນວັນທີ 16 ມີນາ, ທ່ານນາຍພົນເລືອງໂຣດເວົ້າວ່າ, ທ່ານເຫັນດີນຳຂໍ້ສະເຫນີຂອງທ່ານເປຼມ.ຕິນສຸລານົນ ປະທານສະພາອົງຄະມົນຕີທີ່ສະເຫນີໃນຕອນຄ່ຳວັນທີ 15 ມີນາ,ຄື ຫວັງໃຫ້ບັນດາຝ່າຍທີ່ກ່ຽວຂ້ອງຈົ່ງຖືຜົນປະໂຫຍດຂອງປະເທດແລະຂອງປະຊາຊົນເປັນສຳຄັນ,ແກ້ໄຂຄວາມເຫັນຂັດກັນທາງການເມືອງດ້ວຍການເຈລະຈາ.ທ່ານນາຍພົນເລືອງໂຣດຍັງເວົ້າວ່າ, ດຽວນີ້ ບໍ່ຄວນເລັງໃສ່ແຕ່ບັນຫາໃດຫນຶ່ງຂອງຜູ່ໃດຜູ່ຫນຶ່ງ, ພັກຝ່າຍທັງຫມົດແລະປະຊາຊົນທຸກຖ້ວນຫນ້າກໍ່ລ້ວນແຕ່ຄວນຕັ້ງໃຈພິຈະລາກຶກກອງ,ຄຶດເບິ່ງວ່າເຮັດແນວໃດເຮັດໃຫ້ປະເທດຟື້ນຟູ ເປັນປົກກະຕິໃນພາຍຫນ້າ.
ນັບມາຮອດວັນທີ 16 ມີນາ, ການສະແດງກຳລັງທີ່ຝ່າຍຄ້ານຈັດຂຶ້ນຢູ່ຕໍ່ຫນ້າທຳນຽບນາຍົກລັດຖະມົນຕີໄທນັ້ນໄດ້ຍືດເຍືອເປັນເວລາສາມມື້ແລ້ວ, ຍຶດຫມັ້ນທວງໃຫ້ທ່ານທັກສິນ.ຊິນນະວັດ ນາຍົກລັດຖະມົນຕີໄທລາອອກຈາກຕຳແຫນ່ງ.
|
|
|
