|
ຮອງນາຍົກລັດຖະມົນຕີຣັດເຊຍເວົ້າວ່າ, ຣັດເຊຍຈີນຈັດ "ປີແຫ່ງຊາດ" ເຊິ່ງກັນແລະກັນແມ່ນໂຄງການໃຫຍ່ທີ່ບໍ່ເຄີຍມີມາກ່ອນໃນປະຫວັດສາດ
cri
Author: min
ຕາມຂ່າວCRI: ໃນເວລາໃຫ້ສຳພາດນຳກັນຕໍ່ສື່ມວນຊົນຈີນກ່ອນທ່ານປູຕີນ ປະທານາທິບໍດີຣັດເຊຍຈະມາຢ້ຽມຢາມຈີນນັ້ນ, ທ່ານເມັດເວເດັຟ ຮອງນາຍົກລັດຖະມົນຕີຜູ້ທີໜຶ່ງຂອງຣັດເຊຍເວົ້າວ່າ, ຣັດເຊຍຈີນຈັດປີແຫ່ງຊາດເຊິ່ງກັນແລະກັນແມ່ນໂຄງການສັງລວມຂະໜາດໃຫຍ່ທີ່ກວມຫຼາຍຂົງເຂດ, ຂະໜາດການເຄື່ອນໄຫວແລະຈຳນວນຄົນທີ່ຈະເຂົ້າແມ່ນບໍ່ເຄີຍມີມາກ່ອນໃນປະຫວັດສາດ.
ທ່ານເມັດເວເດັຟ ປະທານຄະນະກຳມະການຈັດ"ປີແຫ່ງຊາດ" ຈີນຣັດເຊຍຂອງຝ່າຍຣັດເຊຍເວົ້າວ່າ, ໃນໄລຍະທ່ານປູຕິນ ປະທານາທິບໍດີຣັດເຊຍມາຢ້ຽມຢາມຈີນແຕ່ວັນທີ 21 ຫາວັນທີ 22 ມີນາ, ສອງຝ່າຍຈະຈັດພິທີໄຂ "ປີຣັດເຊຍ" ຢູ່ຈີນ. ປີນີ້, ຝ່າຍຣັດເຊຍຈະຈັດການເຄື່ອນໄຫວຂະໜາດໃຫຍ່ຢູ່ຈີນຢ່າງເປັນລະບົບ,ແຫ່ງຕ່າງໆຣັດເຊຍກໍ່ຈະຈັດການເຄື່ອນໄຫວແນະນຳຢູ່ຈີນ.
ທ່ານເມັດເວເດັຟຍັງເວົ້າວ່າ, ການຮ່ວມມືເສດຖະກິດການຄ້າຈີນຣັດເຊຍມີລະດັບສູງ. ຕາມຈັງຫວະເຕີບໂຕໃນປະຈຸບັນ, ເປົ້າໝາຍທີ່ຈະຍົກບໍລິມາກການຄ້າໃຫ້ສູງຂຶ້ນຮອດ 60 ຕື້ນຫາ 80 ຕື້ໂດລາສະຫະລັດໃນປີ 2010 ທີ່ສອງປະເທດຕົກລົງກັນນັ້ນແມ່ນຈະບັນລຸຜົນເປັນຈິງໄດ້.
|
|
