|
|
 |
| (GMT+08:00)
2006-03-17 18:41:41
|
 |
|
ຜູ້ສະໜັບສະໜູນທ່ານທັກສິນຫຼາຍໝື່ນຄົນໄປຊຸມນຸມຢູ່ບາງກອກ
cri
Author: da
ຕາມຂ່າວCRI:ວັນທີ 17 ມີນາ ຜູ້ສະໜັບສະໜູນທ່ານທັກສິນ ຊິນນະວັດ ນາຍົກລັດຖະມົນຕີໄທຫຼາຍໝື່ນຄົນເດີນທາງໄປຮອດນະຄອນຫຼວງບາງກອກເປັນລຳດັບ,ຈັດງານຊຸມນຸມສັນຕິພາບ,ອອກສຽງສະໜັບສະໜູນທ່ານທັກສິນ.
ຕາມຂ່າວສານໄທລາຍງານວ່າ,ຜູ້ສະໜັບສະໜູນທ່ານທັກສິນສ່ວນຫຼາຍແມ່ນມາຈາກຊົນນະບົດຢູ່19ຈັງຫວັດພາກເໜືອແລະພາກອີສານຂອງໄທ.ພວກເຂົາເຈົ້າໄດ້ຂັບຫຼືຂີ່ລົດໃຊ້ທາງກະສິກຳມາບາງກອກ,ເພື່ອບໍ່ອັດຕັນການຄົມມະນາຄົມຂອງບາງກອກ,ຜູ້ສະໜັບສະໜູນຕົກລົງເຕົ້າໂຮມກັນຢູ່ເຂດຈະຕຸຈັກພາກເໜືອບາງກອກ,ແລ້ວຍ່າງໄປທຳນຽບນາຍົກລັດຖະມົນຕີຈັດງານຊຸມນຸມ.ຕາມຊາບວ່າ,ຜູ້ສະໜັບສະໜູນຈະບໍ່ປະທະກັນກັບຝ່າຍຄ້ານທີ່ໄດ້ຈັດງານຊຸມນຸມຢູ່ບາງກອກຫຼາຍມື້ແລ້ວ.
ວັນທີ17ມີນາ,"ພັນທະມິດປະຊາທິປະໄຕປະຊາຊົນ"ເຊິ່ງເປັນຝ່າຍຄ້ານທີ່ຍຶດໝັ້ນທວງໃຫ້ທ່ານທັກສິນລາອອກຈາກຕຳແໜ່ງນັ້ນໄດ້ສະແດງກຳລັງຢູ່ນອກທຳນຽບນາຍົກລັດຖະມົນຕີໄທເຂົ້າສູ່ມື້ທີ 4 ແລ້ວ.ມື້ດຽວກັນ,ປວງຊົນຜູ້ຊຸມນຸມຈຳນວນໜຶ່ງຍ້າຍໄປຢູ່ນອກສະຖານທູດສິງກະໂປປະຈຳໄທ,ປະທ້ວງທ່ານທັກສິນຂາຍຫຸ້ນສ່ວນຂອງວົງຕະກຸນທັກສິນໃຫ້ບໍລິສັດສິງກະໂປ.
|
|
|
