|
ທ່ານຮາເມເນອີໄດ້ອະນຸຍາດໃຫ້ເຈົ້າໜ້າທີ່ອີຣານເຈລະຈາກັບອາເມລິກາ
cri
Author: MO
ຕາມຂ່າວສານຊີນຮວາ: ວັນທີ 21 ມີນາ, ທ່ານຮາເມເນອີ ຜູ້ນຳສູງສຸດຂອງອີຣານກ່າວວ່າ, ທ່ານໄດ້ອະນຸຍາດໃຫ້ເຈົ້າໜ້າທີ່ອີຣານເຈລະຈາກັບອາເມລິກາກ່ຽວກັບບັນຫາອີຣັກ, ແລະເຕືອນໃຫ້ອາເມລິກາຢ່າໃຊ້ກຳລັງກົດໜີບຕໍ່ອີຣານ.
ວັນທີ 21 ມີນາ, ຢູ່ມາສ໌ຮາດ ເມືອງສັກສິດຂອງນິກາຍຊີອິດ ຢູ່ພາກຕາເວັນອອກສຽງເໜືອຂອງອີຣານ, ທ່ານຮາເມນີອາກ່າວວ່າ, ຖ້າການເຈລະຈາສາມາດເຮັດໃຫ້ອາເມລິກາເຂົ້າໃຈຄວາມເຫັນຈຳນວນໜຶ່ງຂອງອີຣານໃນບັນຫາອີຣັກ, ການເຈລະຈາຈະບໍ່ມີບັນຫາ. ແຕ່ຖ້າການເຈລະຈາກາຍເປັນເວທີສະແດງຂອງອາເມລິກາໃນການຂົ່ມເຫັງຜູ້ອ່ອນແລະອອກຄຳສັ່ງແລ້ວ, ທ່ານຈະເກືອດຫ້າມການເຈລະຈາ. ທ່ານຍັງກ່າວວ່າ, ອາເມລິກາຄວນໜີອອກຈາກອີຣັກ.
ກ່ຽວກັບບັນຫານິວເຄຼຍຂອງອີຣານ, ທ່ານຮາເມເນອີກ່າວເນັ້ນວ່າ, ອີຣານເດັດຂາດບໍ່ຫ່ອນຈະອ່ອນຍອມຕໍ່ການຂົ່ມຂູ່ຂອງອາເມລິກາ, ກໍບໍ່ຢ້ານບັນຫາດັ່ງກ່າວ ຖືກຍື່ນໃຫ້ສະພາຄວາມໝັ້ນຄົງສະຫະປະຊາຊາດ.
|
|
