ຕາມ​ຂ່າວສານ​ຊິນ​ຮວາ:ວັນ​ທີ24​ມີນາ,ກະຊວງ​ສາທາລະນະ​ສຸກ​ຂອງ​ກຳ​ປູ​ເຈຍ​ແລະ​ອົງການ​ອະນາ​ໄມ​ໂລກ​ໄດ້​ອອກ​ຖະ​ແຫຼ​ງການ​ຮ່ວມ​ຢືນຢັນ​ວ່າ,​ເດັກ​ຍິງ​ທີ່​ມີອາຍຸ3​ປີ​ຂອງກຳປູ​ເຈຍ​ທີ່​ຕາຍ​ໃນ​ວັນ​ທີ21​ມີນາ​ນັ້ນແມ່ນ​ຕາຍ​ຍ້ອນ​ຕິດ​ເຊື້ອ​ໂຣກ​ໄຂ້ຫວັດ​ນົກ​ແບບH5N1​ແທ້.

ຖະ​ແຫຼງການ​ຂຽນ​ວ່າ,​ເດັກ​ຍິງຜູ້ນີ້​ມາ​ຈາກ​ບ້ານ​ໜຶ່ງ​ທີ່​ຫ່າງ​ຈາກ​ນະຄອນຫຼວງ​ພະນົມ​ເປັນ​​ໄປ​ທາງ​ທິດຕາ​ເວັນ​ຕົາສຽງ​ໃຕ້ປະມານ60​ກິ​ໂລ​ແມັດ.ລາວ​ໄດ້​ມີ​ອາການ​ຄີງ​ຮ້ອນໃນ​ວັນ​ທີ14​ມີນາ,ຫ້ອງ​ທົດ​ລອງ​ຫ້ອງ​ໜຶ່ງຂອງ​ພະນົມ​ເປັນ​ໄດ້​ກວດກາ​ເດັກ​ຍິງ​​ກ່ຽວ​ກັບເຊື້ອ​ໂຣກ​ໄຂ້ຫວັດ​ນົກ​ແບບH5N1,ຜົນ​ການກວດກາ​ເປັນ​ຜົນ​ບວກ.

ເຈົ້າ​ໜ້າ​ທີ່​ກະຊວງ​ສາທາ​ລະນະ​ສຸກ​ກຳປູ​ເຈຍ​ໄດ້ສຳ​ຫຼວດ​​ເຫັນວ່າ,​ໃນ​ໄລຍະ​ມໍ່ໆ​ມາ​ນີ້,ຢູ່ບ້ານ​ທີ່​ເດັກ​ຍິງ​ພັກຢູ່​ນັ້ນ​ມີສັດ​ປີກ​ລ້ຽງ​ຫຼາຍ​ຮ້ອຍ​ໂຕ​ຕາຍ,​ເດັກ​ຍິງ​ຜູ້​ນິ້​ເຄີຍສຳຜັດກັບ​ເປັດ​ໄກ່​ທີ່​​ເປັນ​ພະຍາດຫຼື​ຕາຍ.ກະຊວງ​ສາທາ​ລະນະ​ສຸກ​ກຳປູ​ເຈຍໄດ້​​ເອົາ​ຕົວຢ່າງ​​ແລະ​ກວດກາ​ຊາວ​ບ້ານ42​ຄົນ​ທີ່​ເຄີຍສຳ​ຜັດກັບ​ຜູ້​ຕາຍ​ແລະ​ສັດ​ປີກ​ລ້ຽງ​ທີ່​ໄຂ້​ຕາຍ,​ໃນ​ນັ້ນ,ມີ4​ຄົນ​ມີ​ອາການ​​ເປັນໄຂ້,ນອກ​ນີ້​ມີ​ອີກ3​ຄົນ​ຮູ້ສຶກ​ບໍ່​ສະບາຍ​ເລັກໜ້ອຍ​,ພະ​ນັກ​ງານ​ກະຊວງ​ສາທາ​ລະນະ​ສຸກ​ພວມ​ຕິດຕາມ​ກວດກາຢູ່.