|
|
 |
| (GMT+08:00)
2006-03-28 10:56:23
|
 |
|
ທ່ານເຈຍຊິ້ງລິນພົບປະຮອງປະທານາທິບໍດີອິນໂດເນເຊຍ
cri
Author: sayvanny
|
ຕາມຂ່າວ CRI: ວັນທີ 27 ມີນາ ຢູ່ຢາກາກຕາ ທ່ານເຈຍຊິ້ງລິນ ປະທານສະພາປຶກສາການເມືອງປະຊາຊົນແຫ່ງຊາດຈີນທີ່ກຳລັງຢ້ຽມຢາມສັນຖະວະໄມຕີຢູ່ອິນໂດເນເຊຍຢ່າງເປັນທາງການໄດ້ພົບປະທ່ານຈູຊູຟ.ຄາລາ ຮອງປະທານາທິບໍດີອິນໂດເນເຊຍ.
ທ່ານເຈຍຊິ້ງລິນເວົ້າວ່າ, ອິນໂດເນເຊຍແມ່ນຫນຶ່ງໃນບັນດາປະເທດທີ່ສ້າງສາຍສຳພັນທາງການທູດກັບຈີນກ່ອນຫມູ່.ປີກາຍນີ້, ປະມຸກລັດສອງປະເທດໄດ້ຢ້ຽມຢາມກັນຢ່າງສຳເລັດຜົນ,ແລະປະກາດສ້າງຕັ້ງ ການພົວພັນຄູ່ຂາຍຸດທະສາດ,ອັນໄດ້ຍົກການພົວພັນລະຫວ່າງສອງປະເທດຂຶ້ນຮອດລະ ດັບສູງໃຫມ່ຄັ້ງປະຫວັດສາດ. ທ່ານເຈຍຊິ້ງລິນຊີ້ອອກວ່າ,ສອງຝ່າຍຄວນເພີ່ມທະວີການຮ່ວມມືກັນໃນການຄ້າແລະການລົງທຶນ,ຊຸກຍູ້ການຮ່ວມມືໃນໂຄງການຂະຫນາດໃຫຍ່ຄື ພະລັງໄຟຟ້າແລະການກໍ່ສ້າງພື້ນຖານໂຄງລ່າງເປັນຕົ້ນຕື່ມອີກ,ແລະລົງເລິກຮ່ວມມືໃນດ້ານການພັດທະນາພະລັງງານແລະຊັບພະຍາກອນ;ເຮັດໃຫ້ການປະສານສົມທົບໃນການຮ່ວມມືທາງເສດຖະ ກິດການຄ້າໃນພາກພື້ນແຫນ້ນແຟ້ນຂຶ້ນຕື່ມອີກ,ຊຸກຍູ້ການສ້າງສາເຂດການຄ້າເສລີຈີນອາຊຽນແລະຂະບວນການຮ່ວມມືອາຊີຕາເວັນອອກຢ່າງບໍ່ຢຸດຢັ້ງ.
ທ່ານຈູຊູຟ.ຄາລາເວົ້າວ່າ, ອິນໂດເນເຊຍແລະຈີນລ້ວນແຕ່ແມ່ນປະເທດພວມພັດທະນາທີ່ມີອິດທິພົນຢູ່ອາຊີ,ສອງຝ່າຍຕ່າງມີທ່າແຮງຂອງກັນໃນດ້ານພັດທະນາເສດຖະກິດ,ແລະມີອະນາຄົດອັນດີງາມໃນການຮ່ວມມືກັນ.ອິນໂດເນເຊຍຍິນດີພ້ອມກັບຝ່າຍຈີນດຳເນີນການຮ່ວມມືດ້ານເສດຖະ ກິດການຄ້າຢ່າງຮອບດ້ານ,ເປີດກວ້າງການຄ້າສອງຝ່າຍ,ແລະຊຸກຍູ້ການພົວພັນຄູ່ຂາຍຸດທະສາດລະຫວ່າງສອງປະເທດຢ່າງຮອບດ້ານ.
|
|
|
