ທ່ານຈາຊິ້ງລິນ ປະທານສະພາເປິກສາການເມືອງປະຊາຊົນແຫ່ງຊາດຈີນເດີນທາງໄປຮອດກົວລາລຳເປີ ເລີ່ມຢ້ຽມຢາມມາເລເຊຍ
cri
Author: min
ຕາມຂ່າວ CRI: ຕອນບ່າຍວັນທີ 28 ມີນາ, ທ່ານຈາຊິ້ງລິນ ປະທານສະພາເປິກສາການເມືອງປະຊາຊົນແຫ່ງຊາດຈີນເດີນທາງໄປຮອດກົວລາລຳເປີ, ເລີ່ມຢ້ຽມຢາມສັນຖະວະໄມຕີຕໍ່ມາເລເຊຍ.
ໃນເວລາກ່າວຄຳປາໄສທາງລາຍລັກອັກສອນຢູ່ເດິ່ນຍົນ, ທ່ານຈາຊິ້ງລິນເວົ້າວ່າ, ຫຼາຍປີມານີ້, ການພົວພັນຮ່ວມມືດ້ວຍໄມຕີຈິດຖານບ້ານໃກ້ເຮືອນຄຽງຮອບດ້ານລະຫວ່າງຈີນກັບມາເລເຊຍໄດ້ຂະຫຍາຍຕົວຢ່າງສະດວກ. ສອງປະເທດພວມສຸມກຳລັງເຂົ້າໃນການຊຸກຍູ້ການຮ່ວມມືທີ່ມີລັກສະນະຍຸດທະຍາດ, ການພົວພັນສອງຝ່າຍໄດ້ກ້າວເຂົ້າໄລຍະໃໝ່ທີ່ຂະຫຍາຍຕົວຮອບດ້ານ. ຊັ້ນສູງຂອງສອງຝ່າຍໄດ້ໄປມາຢ້ຽມຢາມກັນເລື້ອຍໆ, ຜົນປະໂຫຍດຮ່ວມໄດ້ຂະຫຍາຍຕົວຢ່າງສືບເນື່ອງ, ການຮ່ວມມືໃນຫຼາຍຂົງເຂດໄດ້ຮັບປະສິດທິຜົນອຸດົມສົມບູນ, ໄດ້ຮັກສາການປະສານສົມທົບອັນດີງາມໃນວຽກງານສາກົນແລະເຂດແຄ້ວນ. ສະພາບຕົວຈິງຢັ້ງຢືນໃຫ້ເຫັນວ່າ, ການຂະຫຍາຍຕົວຂອງການພົວພັນຮ່ວມມືດ້ວຍໄມຕີຈິດລະຫວ່າງຈີນກັບມາເລເຊຍບໍ່ພຽງແຕ່ສອດຄ່ອງກັບຜົນປະໂຫຍດຂອງປະຊາຊົນສອງປະເທດເທົ່ານັ້ນ, ກໍສອດຄ່ອງກັບສັນຕິພາບ, ສະຖຽນລະພາບແລະຄວາມຈະເລີນຮຸ່ງເຮືອງຂອງພາກພື້ນນີ້ອີກດ້ວຍ.
|
|