|
ພັກຄາດີມາອິສຣາແອນຈະເລີ່ມປະກອບລັດຖະບານປະສົມ
cri
Author: min
ຕາມຂ່າວCRI: ວັນທີ 29 ມີນາ, ພັກຄາດີມາທີ່ຫາກໍ່ໄດ້ຮັບໄຊຊະນະໃນການເລືອກຕັ້ງລັດຖະສະພາອິສຣາແອນກ່າວວ່າ, ພັກດັ່ງກ່າວຈະລົງມືປະກອບລັດຖະບານປະສົມໃນທັນທີ.
ເຈົ້າໜ້າທີ່ຂອງພັກຄາດີມາເວົ້າວ່າ, ວັນທີ 29 ມີນາ, ພັກຄາດີມາຈະຈັດຕ້າງໜ່ວຍເຈລະຈາ, ເພື່ອເຈລະຈາກັບພັກຝ່າຍອື່ນໆກ່ຽວກັບການປະກອບລັດຖະບານປະສົມ.
ຕອນເຊົ້າວັນທີ 29 ມີນາ, ວຽກງານນັບບັດເລືອກຕັ້ງຂອງອິສຣາແອນໄດ້ສິ້ນສຸດລົງໃນຂັ້ນພື້ນຖານ, ຜົນເບື້ອງຕົ້ນສະແດງໃຫ້ເຫັນວ່າ, ພັກຄາດີມາໄດ້ຮັບ 28 ທີ່ນັ່ງໃນ 120 ທີ່ນັ່ງຂອງລັດຖະສະພາອິສຣາແອນ, ແລ້ວກາຍເປັນພັກໃຫຍ່ທີ່ໜຶ່ງຂອງອິສຣາແອນ. ແຕ່ຍ້ອນວ່າທີ່ນັ່ງຂອງພັກດັ່ງກ່າວໜ້ອຍກວ່າທີ່ນັ່ງທີ່ຕ້ອງການໃນການກຳອຳນາດແຕ່ຝ່າຍດຽວຄືຢ່າງໜ້ອຍຕ້ອງມີ 61 ທີ່ນັ່ງ, ສະນັ້ນ, ພັກຄາດີມາຕ້ອງຮ່ວມກັບພັກການເມືອງອື່ນໆປະກອບລັດຖະບານ.
|
|
