ຕາມຂ່າວcri:ວັນທີ31ມີນາ,ທ່ານອັບບາສ໌ ປະທານອົງການອຳນາດແຫ່ງຊາດປາເລັສຕິນທີ່ໄປຢ້ຽມຢາມອາຟຼິກາໃຕ້ໄດ້ເຕືອນໃຫ້ຜູ້ນຳທີ່ໄດ້ຮັບເລືອກຕັ້ງໃໝ່ຂອງອິດສະລາແອນຈົ່ງປະກອບສ້າງລັດຖະບານໂດຍໄວ,ເລີ່ມ ເຈລະຈາສັນຕິພາບຄືນໃໝ່ກັບປາເລັສຕິນ.
ມື້ດຽວກັນ,ຢູ່ແຄ້ບ ທາວ ນະຄອນຫຼວງນິຕິບັນຍັດອາຟຼິກາໃຕ້,ໃນເວລາກ່າວຄຳປາໄສຕໍ່ສະພາແຫ່ງຊາດອາຟຼິກາໃຕ້,ທ່ານອັບບາສ໌ກ່າວສື້ມວ່າ,ລັດຖະບານປາເລັສຕິນຈະສືບຕໍ່ສຸມກຳລັງເຈລະຈາສັນຕິພາບກັບອິສຣາແອນ,ແລະຫວັງໃຫ້ຜູ້ນຳທີ່ໄດ້ຮັບເລືອກຕັ້ງໃໝ່ຂອງອິສຣາແອນຈົ່ງຢ່າໃຊ້ການເຄື່ອນໄຫວຝ່າຍດຽວ,ຢ່າປະລະແຜນການ"ແຜນທີ່"ສັນຕິພາບຕາເວັນອອກກາງ.
ມື້ດຽວກັນ,ໃນງານຖະແຫຼງຂ່າວຮ່ວມທີ່ຈັດຂຶ້ນພາຍຫຼັງພົບປະເຈລະຈາກັບທ່ານແອມເບກີ ປະທານາທິບໍດີອາຟຼກາໃຕ້,ທ່ານອັບບາສ໌ຍັງໄດ້ຕິຕຽນອາເມລິກາແລະສະຫະພາບເອີລົບເປັນຕົ້ນທີ່ຢຸດຕິການຊ່ອຍເຫຼືອດ້ານເງິນທຶນຕໍ່ປາເລັສຕິນ ພາຍຫັຼງອົງການຮາມາສ໌ໄດ້ຮັບໄຊຊະນະໃນການເລືອກຕັ້ງຄະນະກຳມະການນິຕິບັນຍັດ,ແລະໄດ້ກ່າວປະນາມເຫດການຫຼອນໂຈມຕີແບບສະຫະຊີບທີ່ເກີດຂຶ້ນ ຢູ່ຝັ່ງຕາເວັນຕົກແມ່ນ້ຳຈໍແດນ ໃນຕອນຄ່ຳວັນທີ30ມີນາ.
|