|
ທ່ານທັກສິນເວົ້າວ່າ,ພັກໄທຮັກໄທເຫັນໃນແງ່ດີເກີນໄປຕໍ່ການຄາດຄະເນອັດຕາສະໜັບສະໜູນຢູ່ພາກໃຕ້ແລະບາງກອກ
cri
Author: da
ຕາມຂ່າວສານຊິນຮວາ:ວັນທີ 3 ມີນາ ທ່ານທັກສິນ ຊິນນະວັດ ນາຍົກລັດຖະມົນຕີລັດຖະບານຮັກສາການຂອງໄທເວົ້າວ່າ,ເມື່ອສັງເກດເບິ່ງຜົນການປ່ອນບັດຂອງການເລືອກຕັ້ງທົ່ວໄປໃນວັນທີ 2 ເມສາແລ້ວໄດ້ເຫັນວ່າ,ພັກໄທຮັກໄທເຫັນໃນແງ່ດີເກີນໄປຕໍ່ການຄາດຄະເນອັດຕາສະໜັບສະໜູນຢູ່ພາກໃຕ້ແລະບາງກອກ.
ຕາມຜົນສະຖິຕິໃນສະເພາະໜ້ານີ້,ໃນເຂດເລືອກຕັ້ງ 36 ແຫ່ງຢູ່ບາງກອກ,ເຖິງວ່າພັກໄທຮັກໄທໄດ້ບັນລຸອັດຕາສະໜັບສະໜູນ 20% ທີ່ລັດຖະທຳມະນູນລະບຸໄວ້ນັ້ນແລ້ວ,ແຕ່ບໍ່ໄດ້ບັນລຸອັດຕາສະໜັບສະໜູນ 50% ຂຶ້ນໄປທີ່ທ່ານທັກສິນໃຫ້ຄຳໝັ້ນສັນຍາໃນເມື່ອກ່ອນ.ສ່ວນຢູ່ພາກໃຕ້,ຢ່າງໜ້ອຍມີ 20 ເຂດເລືອກຕັ້ງບໍ່ໄດ້ກຳເນີດທີ່ນັ່ງ,ຕ້ອງເລືອກຕັ້ງຕື່ມອີກ.
ແຕ່ວ່າ,ທ່ານທັກສິນໄດ້ຮັບຄວາມສະໜັບສະໜູນກວ່າ 70% ຢູ່ພາກຕາເວັນອອກສຽງເໜືອແລະພາກເໜືອ.
ກ່ອນໜ້ານີ້ ທ່ານທັກສິນໄດ້ກ່າວຫຼາຍເທື່ອວ່າ,ຖ້າຫາກພັກໄທຮັກໄທບໍ່ໄດ້ຮັບຄວາມສະໜັບສະໜູນ50%ຂຶ້ນໄປໃນການເລືອກຕັ້ງເທື່ອນີ້,ເຖິງວ່າພັກໄທຮັກໄທຈະຊະນະໃນຂັ້ນສຸດທ້າຍ,ທ່ານກໍຈະບໍ່ຮັບຕຳແໜ່ງເປັນນາຍົກລດຖະມົນຕີອີກ.
|
|
