|
|
 |
| (GMT+08:00)
2006-04-04 18:37:26
|
 |
|
ສ.ເກົາຫລີແລະອິນໂດເນເຊຍລົງມືສ້າງການພົວພັນຄູ່ຂາຍຸດທະສາດ
cri
Author: mo
ຕາມຂ່າວສານຈີນ: ວັນທີ 3 ເມສາ, ລັດຖະບານສ.ເກົາຫລີແລະອິນໂດເນເຊຍຕົກລົງວ່າ, ສອງປະເທດຈະຕົກລົງສ້າງການພົວພັນຄູ່ຂາຍຸດທະສາດລະຫວ່າງສອງປະເທດພາຍໃນປີນີ້, ສ້າງຕັ້ງຄະນະກຳມະການຮ່ວມທີ່ມີຈຸດປະສົງລົງເລິກການຮ່ວມມືກັນ. ສອງຝ່າຍຍັງຕົກລົງວ່າ, ປີນີ້ຈະເຮັດໃຫ້ການຢ້ຽມຢາມທາງລັດຖະກິດເຊິ່ງກັນແລະກັນລະຫວ່າງທ່ານປະທານາທິບໍດີໂຣມູຮຸນກັບທ່ານປະທານາທິບໍດີຊູຊີໂຣບັນລຸຜົນເປັນຈິງ.
ວັນທີ 3 ເມສາ, ຢູ່ຢາກາກຕາ, ພາຍຫລັງທ່ານບານກີມູນ ລັດຖະມົນຕີການຕ່າງປະເທດແລະການຄ້າສ.ເກົາຫລີທີ່ພວມຢ້ຽມຢາມອິນໂດເນເຊຍຢ່າງເປັນທາງການໄດ້ພົບປະເຈລະຈາກັບທ່ານວີລາຢູດາ ລັດຖະມົນຕີການຕ່າງປະເທດອິນໂດເນເຊຍແລ້ວ, ທ່ານໄດ້ປະກາດຖະແຫຼງການຮ່ວມດັ່ງກ່າວໃນງານຊຸມນຸມນັກຂ່າວ.
ລັດຖະມົນຕີການຕ່າງປະເທດຂອງສອງປະເທດຍັງໄດ້ເຊັນບົດບັນທຶກຄວາມເຂົ້າໃຈກັນສະບັບໜຶ່ງ, ຕົກລົງສ້າງຄະນະກຳມະການຮ່ວມທີ່ມີລັດຖະມົນຕີການຕ່າງປະເທດຂອງສອງປະເທດເປັນປະທານຮ່ວມ, ບາສອງປີຈັດກອງປະຊຸມເທື່ອໜຶ່ງ, ເພື່ອລົງເລິກການຮ່ວມມືລະຫວ່າງກະຊວງການຕ່າງປະເທດຂອງສອງປະເທດ.
|
|
|
