|
ຮອງນາຍົກລັດຖະມົນຕີໄທຈະເຂົ້າແທນທ່ານທັກສິນເປັນນາຍົກລັດຖະມົນຕີຮັກສາການຊົ່ວຄາວ
cri
Author: MO
ຕາມຂ່າວCRI：ວັນທີ 5 ເມສາ, ທ່ານສຸລະພົງ ເສີບວົງລີ ໂຄສົກຂອງລັດຖະບານໄທປະກາດວ່າ, ທ່ານທັກສິນຈະຜັກຜ່ອນຊົ່ວໄລຍະໜຶ່ງ, ໃນໄລຍະນີ້, ທ່ານຊິດໄຊ ວັນນະສະຖິດ ຮອງນາຍົກລັດຖະມົນຕີໄທຈະເປັນນາຍົກລັດຖະມົນຕີຮັກສາການ, ຈົນຮອດລັດຖະບານຊຸດໃໝ່ກຳເນີດຂຶ້ນ.
ຕອນຄ່ຳວັນທີ 4 ເມສາ, ທ່ານທັກສິນ ຊີນນະວັດໄດ້ປະກາດຢ່າງກະທັນຫັນວ່າ, ຈະບໍ່ເປັນນາຍົກລັດຖະມົນຕີໃນລັດຖະບານຊຸດໃໝ່. ແຕ່ສະຫະພັນປະຊາທິປະໄຕປະຊາຊົນຂອງພັກຝ່າຍຄ້ານກ່າວວ່າ, ຖ້າທ່ານທັກສິນບໍ່ລາອອກຈາກຕຳແໜ່ງກ່ອນວັນທີ 30 ເມສາ, ການເຄື່ອນໄຫວປະທ້ວງຢູ່ຖະໜົນຫົນທາງຈະສືບຕໍ່ກັນໄປ.
|
|
