|
ຮອງນາຍົກໄທຈະເຂົ້າແທນທ່ານທັກສິນເປັນນາຍົກລັດຖະມົນຕີຮັກສາການຊົ່ວຄາວຂອງໄທ
cri
Author: MO
ຕາມຂ່າວCRI: ຕອນຄ່ຳວັນທີ 4 ເມສາ, ທ່ານທັກສິນໄດ້ປະກາດຢ່າງກະທັນຫັນວ່າ, ຈະບໍ່ຮັບຕຳແໜ່ງນາຍົກລັດຖະມົນຕີໃນລັດຖະບານຊຸດໃໝ່. ຕໍ່ເລື່ອງນີ້, ວັນທີ 5 ເມສາ, ສາມພັກຝ່າຍຄ້ານໃຫຍ່ຂອງໄທໄດ້ສະແດງຄວາມຊົມເຊີຍຕໍ່ການສະແດງທ່າທີຂອງທ່ານທັກສິນ, ເຫັນວ່າ, ການຕົກລົງທີ່ເຫັນແກ່ພາກສ່ວນໃຫຍ່ດັ່ງກ່າວນີ້ແມ່ນຢາດີສຳລັບສິ້ນສຸດວິກິດການທາງການເມືອງຂອງໄທ. ແຕ່ສະຫະພັນປະຊາທິປະໄຕປະຊາຊົນຂອງພັກຝ່າຍຄ້ານພັດກ່າວວ່າ, ທ່ານທັກສິນຄວນບໍ່ດຳລົງຕຳແໜ່ງນາຍົກລັດຖະມົນຕີຮັກສາການອີກກ່ອນທ້າຍເດືອນນີ້, ຖ້າບໍ່ດັ່ງນັ້ນ, ຈະສືບຕໍ່ຈັດຕັ້ງການສະແດງກຳລັງໃຊ້ກຳລັງໜີບຕໍ່ທ່ານທັກສິນ.
ຕອນຄ່ຳວັນທີ 5 ເມສາ, ໂຄສົກລັດຖະບານຮັກສາການຂອງໄທປະກາດວ່າ, ທ່ານທັກສີນຈະຜັກຜ່ອນໄລຍະໜຶ່ງ, ຈົນຮອດລັດຖະບານຊຸດໃໝ່ກຳເນີດຂຶ້ນ. ໃນໄລຍະນີ້, ທ່ານຊິດໄຊ ວັນນະສະຖິດຈະເຂົ້າແທນທ່ານທັກສິນເປັນນາຍົກລັດຖະມົນຕີຮັກສາການຊົ່ວຄາວ.
|
|
