|
|
 |
| (GMT+08:00)
2006-04-06 10:23:16
|
 |
|
ພະຍາດໄຂ້ຫວັດສັດປີກເກີດມີສະພາບການໃຫມ່ຢູ່ຫລາຍປະເທດ ບັນດາຝ່າຍຕັ້ງຫນ້າໃຊ້ມາດຕະການປ້ອງກັນແລະຄວບຄຸມ
cri
Author: sayvanny
ຕາມຂ່າວ CRI:ວັນທີ 5 ເມສາ ໄຂ້ຫວັດສັດປີກທີ່ເກີດຂຶ້ນຢູ່ເຢຍລະມັນ ອັງກິດ ກຳປູເຈຍແລະເອຢິບໄດ້ປະກົດມີສະພາບການໃຫມ່, ເພື່ອປ້ອງກັນບໍ່ໃຫ້ພະຍາດນີ້ແຜ່ລາມອອກ, ຝ່າຍທີ່ກ່ຽວຂ້ອງໄດ້ນຳໃຊ້ມາດຕະການປ້ອງກັນແລະຄວບຄຸມຢຢ່າງຕັ້ງຫນ້າ.
ວັນທີ 5 ຫ້ອງທົດລອງໃຫ້ຄຳປຶກສາແຫ່ງຊາດເຢຍລະມັນຢືນຢັນວ່າ, ຢູ່ຟາມລ້ຽງສັດປີກແຫ່ງຫນຶ່ງທີ່ຢູ່ເຂດເບີນສໂດຟ ບ່ອນມໍ່ເລບຊິກໄດ້ເກີດພະຍາດໄຂ້ຫວັດສັດປີກແບບ H5N1 .ລັດຖະບານເຢຍລະມັນໄດ້ໃຊ້ມາດຕະການປ້ອງກັນແລະຄວບຄຸມຕ່າງໆຢ່າງຮອບດ້ານຄື ຂ້າສັດປີກແລະຕັ້ງສາຍກັກກັ້ນ ເຊິ່ງເປັນການຈັດວາງຢ່າງເປັນເອກະພາບຂອງສະຫະພາບເອີລົບ.
ວັນທີ 5 ເມສາ ກະຊວງສິ່ງແວດລ້ອມ ອາຫານແລະວຽກງານຊົນນະບົດຂອງອັງກິດໄດ້ອອກຖະແຫລງການຢືນຢັນວ່າ, ຜູ່ຊ່ຽວຊານໄດ້ປະກົດເຫັນເຊື້ອໄວລັດໄຂ້ຫວັດສັດປີກແບບ H5 ໃນຕົວຫ່ານຟ້າຕາຍທີ່ປະກົດເຫັນຢູ່ບ່ອນມໍ່ຟິບ ພາກຕາເວັນອອກຂອງຊູແກຼນ,ນີ້ແມ່ນອັງກິດປະກົດເຫັນເຊື້ອໄຂ້ຫວັດສັດປີກໃນສັດປີກປ່າເປັນຄັ້ງທຳອິດ.
ມື້ດຽວກັນ, ຄະນະກຳມະການຕ່ອງໂສ້ອາຫານແລະສຸກຂະພາບຂອງສັດຂອງສະຫະພາບເອີລົບຕົກລົງສັກວັກແຊງໃຫ້ສັດປີກໃນສວນສັດ,ເພື່ອປ້ອງກັນບໍ່ໃຫ້ພວກມັນຕິດແປດເຊື້ອໄວລັດໄຂ້ຫວັດສັດປີກແບບ H5N1.
ຂ່າວແຈ້ງອີກວ່າ, ວັນທີ 5 ເມສາ ສູນປ້ອງກັນພະຍາດຕິດແປດຂອງກະຊວງສາທາລະນະສຸກກຳປູເຈຍຢືນຢັນວ່າ, ເດັກນ້ອຍຜູ່ຫນຶ່ງຕາຍຍ້ອນຕິດແປດເຊື້ອໄຂ້ຫວັດສັດປີກ,ອັນໄດ້ເຮັດໃຫ້ຈຳນວນຄົນຕາຍຍ້ອນເປັນໄຂ້ ຫວັດສັດປີກໃນກຳປູເຈຍເພີ່ມຂຶ້ນຮອດ 6 ຄົນ. ນອກນີ້, ມື້ດຽວກັນ, ພາກສ່ວນສາທາລະນະສຸກເອຢິບກໍ່ປະກາດວ່າ, ເດັກຍິງຜູ່ຫນຶ່ງຖືກບົ່ງມະຕິຕິດແປດເຊື້ອໄວລັດໄຂ້ຫວັດສັດປີກແບບ H5N1.
|
|
|
