|
|
 |
| (GMT+08:00)
2006-04-10 20:42:51
|
 |
|
ທ່ານຊູຊີໂລຮຽກຮ້ອງປະເທດອາຊີປາຊິຟິກພະຍາຍາມຮັບປະກັນການບັນລຸເປົ້າໝາຍສະຫັດສະວັດດ້ານການພັດທະນາ
cri
Author: da
ຕາມຂ່າວສານຊິນຮວາ: ວັນທີ 10 ເມສາ,ໃນພິທີໄຂກອງປະຊຸມລະດັບລັດຖະມົນຕີຂອງກອງປະຊຸມປະຈຳປີອົງການແອັສແຄບສະຫະປະຊາຊາດຄັ້ງທີ62 ,ທ່ານຊູຊີໂລ ປະທານາທິບໍດີອິນໂດເນເຊຍເວົ້າວ່າ,ປະເທດອາຊີປາຊິຟິກຄວນສືບຕໍ່ຄວາມປາຖະໜາທາງການເມືອງທີ່ສືບເນື່ອງ,ຮັບປະກັນໃຫ້ບັນລຸເປົ້າໝາຍສະຫັດສະວັດດ້ານການພັດທະນາທີ່ສະຫະປະຊາຊາດວາງອອກນັ້ນຕາມເວລາກຳນົດ.
ທ່ານຊູຊີໂລເຫັນວ່າ,ບັນດາປະເທດລ້ວນແຕ່ມີຄວາມສາມາດແລະຊັບພະຍາກອນທີ່ເອົາຊະນະຄວາມທຸກຍາກ,ແຕ່ຍັງຕ້ອງການອາໄສຄວາມປາຖະໜາທາງການເມືອງຢ່າງສືບເນື່ອງ ຈຶ່ງສາມາດນຳໃຊ້ແລະຈັດສັນຄວາມສາມາດແລະຊັບພະຍາກອນເຫຼົ່ານີ້ຢ່າງສົມເຫດສົມຜົນ.
ໃນດ້ານປ້ອງກັນໄພທຳມະຊາດ,ທ່ານຊູຊີໂລຮຽກຮ້ອງບັນດາປະເທດອາຊີປາຊິຟິກເພີ່ມທະວີການຮ່ວມມືກັນ,ພ້ອມກັນນັ້ນຫວັງໃຫ້ການສ້າງສາພື້ນຖານໂຄງລ່າງປ້ອງກັນໄພພິບັດ ມີຜົນດີຕໍ່ທຸກປະເທດທີ່ກ່ຽວຂ້ອງ,ເປົ້າໝາຍສຸດທ້າຍແມ່ນຕ້ອງຊ່ອຍປະຊາຊົນໃນພາກພື້ນແຫ່ງນີ້ຍົກຄຸນນະພາບຊີວິດການເປັນຢູ່ໃຫ້ສູງຂຶ້ນ,ໃນນັ້ນລວມທັງຊີວິດການເປັນຢູ່ຂອງຜູ້ທຸກຍາກ.
|
|
|
