ຕາມຂ່າວໜັ່ງສືພິມກວາງຊີຢື້ນປ້າວ:ວັນທີ9 ເມສາ,ທ່ານລູ້ບິງ ປະທານເຂດກວາງຊີເຜົ່າຈ້ວງປົກຄອງຕົນເອງນຳພາຄະນະຜູ້ແທນສຳເລັດການຢ້ຽມຢາມສິງກະໂປແລ້ວ,ເດີນທາງໄປຮອດຢາງກຸ້ງ ນະຄອນຫຼວງມຽນມາ,ເລີ່ມຢ້ຽມຢາມມຽນມາຢ່າງເປັນທາງການ.ຕອນຄ່ຳມື້ດຽວກັນ,ທ່ານລູ້ປິງພ້ອມຄະນະໄດ້ເຂົ້າຢ້ຽມທ່ານກວານມູ້ ເອກອັກຄະລັດຖະທູດຈີນປະຈຳມຽນມາ,ແລກປ່ຽນຄວາມເຫັນກັນກ່ຽວກັບເພີ່ມທະວີການແລກປ່ຽນແລະການຮ່ວມມືດ້ານເສດຖະກິດການຄ້າລະຫວ່າງກວາງຊີກັບມຽນມາຕື່ມອີກ.
ທ່ານເອກອັກຄະລັດຖະທູດກວານມູ້ກ່າວວ່າ,ກວາງຊີສາມາດເພີ່ມທະວີການແລກປ່ຽນແລະການຮ່ວມມືດ້ານເສດຖະກິດການຄ້າກັບມຽນມາໃນຫຼາຍຂົງເຂດ,ບັນລຸຕ່າງຝ່າຍຕ່າງມີຜົນປະໂຫຍດ,ຮ່ວມມືກັນພັດທະນາ.ການຢ້ຽມຢາມຂອງຄະນະຜູ້ແທນກວາງຊີເທື່ອນີ້,ຄົງຈະເພີ່ມທະວີມິດຕະພາບດັ້ງເດີມແລະການຮ່ວມມືດ້ານເສດຖະກິດການຄ້າລະຫວ່າງສອງຝ່າຍຕື່ມອີກ.
ທ່ານລູ້ບິ່ງກ່າວວ່າ,ກວາງຊີປະຕິບັດຍຸດທະສາດພັດທະນາເສດຖະກິດສັງຄົມທີ່"ເສີມຂະຫຍາຍທ່າແຮງ,ອາໄສພາກຕາເວັນອອກຮ່ວມມືກັບພາກຕາເວັນຕົກ,ພັດທະນາສູ່ພາກໃຕ້",ໃນຖານຜູ້ຈັດງານເອັກສ໌ໂປຈີນອາຊຽນ,ສຸດທີ່ເອົາໃຈໃສ່ການຮ່ວມມືດ້ານເສດຖະກິດການຄ້າກັບບັນດາປະເທດອາຊຽນ.
|