|
ທ່ານໂງຈົກຕົງເວົ້າວ່າ,ການພັດທະນາຂອງຈີນມີຜົນດີຕໍ່ອາຊີແລະໂລກ
cri
Author: da
ຕາມຂ່າວສານຊິນຮວາ:ວັນທີ 11 ເມສາ ກ່ອນຈະມາຢາມຈີນ ທ່ານໂງຈົກຕົງ ລັດຖະບຸລຸດສິງກະໂປໄດ້ໃຫ້ສຳພາດຕໍ່ນັກຂ່າວຊິນຮວາວ່າ,ສິງກະໂປຊົມເຊີຍການພັດທະນາຂອງຈີນແລະຖືເປັນໂອກາດທີ່ໄດ້ຍາກ.ການພັດທະນາຂອງຈີນບໍ່ພຽງແຕ່ມີຜົນດີຕໍ່ອາຊຽນແລະອາຊີ,ທັງມີຜົນດີຕໍ່ໂລກ.
ທ່ານໂງຈົກຕົງເວົ້າວ່າ,10ປີຜ່ານມາ,ເສດຖະກິດຈີນໄດ້ເຕີບໂຕຢ່າງວິເສດວິໂສນີ້ແມ່ນປັດໄຈສຳຄັນຫຼາຍທີ່ຊຸກຍູ້ການເຕີບໂຕຂອງເສດຖະກິດພາກພື້ນ.ເວົ້າສຳລັບໂລກພາຍນອກແລ້ວ,ປະຈຸບັນ ຈີນໄດ້ກາເຍປັນບ່ອນລົງທຶນໃຫຍ່ແລະຕະຫຼາດທີ່ເຕັມໄປດ້ວຍໂອກາດ.
ໃນເວລາກ່າວເຖິງການພົວພັນລະຫວ່າງຈີນກັບອາຊຽນ,ທ່ານໂງຈົກຕົງເວົ້າວ່າ,ການເພີ່ມທະວີການພົວພັນລະຫວ່າງອາຊຽນກັບຈີນ,ມີຜົນດີຕໍ່ການບັນລຸອາຊີທີ່ສັນຕິພາບ ຈະເລີນຮຸ່ງເຮືອງແລະເຕັມໄປດ້ວຍຊີວິດຊີວາ.ປະຈຸບັນ ອາຊຽນຄອງຄອຍກ້າວເຖິງຂັ້ນເຊັນສັນຍາກັບຈີນໃນຂົງເຂດບໍລິການແລະການລົງທຶນໂດຍໄວ,ນີ້ຈະອຳນວຍຄວາມສະດວກແລະມີຜົນດີຕໍ່ການການຕິດຕໍ່ພົວພັນທາງການຄ້າແລະການແລກປ່ຽນກັນລະຫວ່າງພະນັກງານ ອາຊຽນກັບຈີນຢ່າງຫຼວງຫຼາຍ.
ທ່ານໂງຈົດຕົງເຫັນວ່າ,ໃນບັນຫາຍຸດທະສາດແລະຄວາມໝັ້ນຄົງ,ອາຊຽນກັບຈີນໄດ້ເພີ່ມທະວີການສົນທະນາກັນ,ເພື່ອເພີ່ມທະວີຄວາມເຂົ້າໃຈແລະຄວາມໄວ້ເນື້ອເຊື່ອໃຈກັນ.
ໃນເວລາກ່າວເຖິງການພົວພັນລະຫວ່າງສິງກະໂປກັບຈີນ,ທ່ານໂງຈົກຕົງເວົ້າວ່າ,ການພົວພັນທະວີພາຄີລະຫວ່າງສິງກະໂປຈີນໄດ້ນັບມື້ນັບສຸກງອມແລະຂະຫຍາຍອອກ,ສອງປະເທດມີການແລກປ່ຽນກັນຢ່າງກວ້າງຂວາງໃນຫຼາຍຂົງເຂດ.
ທ່ານໂງຈົກຈົງຈະມາຢາມຈີນຕາມຄຳເຊີນຂອງລັດຖະບານຈີນແຕ່ວັນທີ 12 ຫາວັນທີ 18 ເມສາ.
|
|
