|
ຕາມຂ່າວສານຊິນຮວາ: ວັນທີ25ເມສາ, ທ່ານແມັກເລເລັນ ໂຄສົກທຳນຽບຂາວອາເມລິກາກ່າວຕໍ່ວົງການໜັງສືພິມວ່າ, ຖະແຫຼງການທີ່ລັດຖະບານອີຣານປະກາດໃນຫວ່າງມໍ່ໆນີ້ນັ້ນສະແດງວ່າເຂົາເຈຕະນາເຮັດໃຫ້ສະຖານະການເຄັ່ງຕຶງທີ່ເນື່ອງມາຈາກບັນຫານີວເຄຼຍອີຣານເລື່ອນຂັ້ນ, ແລະສືບຕໍ່ເປັນປໍລະປັກກັບປະຊາຄົມໂລກ.
ທ່ານແມັກເລເລັນກ່າວວ່າ, ສະພາຄວາມໝັ້ນຄົງສະຫະປະຊາຊາດຈະໄດ້ຮັບບົດລາຍງານກ່ຽວກັບບັນຫານີວເຄຼຍອີຣານທີ່ທ່ານບາລາຕີ ຜູ່ອຳນວຍການໃຫຍ່ອົງການພະລັງງານປະລະມານູສາກົນສະເໜີໃຫ້ໃນອາທິດນີ້, ອາເມລິກາຫວັງໃຫ້ບົດລາຍງານສະບັບນີ້ຈະສະແດງວ່າອີຣານສືບຕໍ່ໃຊ້ຫຼັກໝັ້ນບໍ່ຮ່ວມມື. ທ່ານຍັງກ່າວວ່າ, ໂດຍແນ່ໃສ່ຫຼັກໝັ້ນບໍ່ຮ່ວມມືຂອງອີຣານ, ສະພາຄວາມໝັ້ນຄົງສະຫະປະຊາຊາດຄວນພິຈາລະນາໃຊ້ມາດຕະການຕໍ່ອີຣານອີກແລ້ວ.
|
