|
|
 |
| (GMT+08:00)
2006-04-28 18:08:57
|
 |
|
ສະຖາບັນຂົງຈື້ຫຼັງທຳອິດຢູ່ເຢຍລະມັນໄດ້ສ້າງຕັ້ງຂຶ້ນ
cri
Author: da
ຕາມຂ່າວສານຊິນຮວາ:ວັນທີ 27 ເມສາ,ສະຖາບັນຂົງຈືຫຼັງທຳອິດຂອງເຢຍລະມັນທີ່ມະຫາວິທະຍາໄລປັກກິ່ງແລະມະຫາວິທະຍາໄລເສລີແບກແລງຮ່ວມສ້າງໄດ້ສ້າງຕັ້ງຂຶ້ນຢູ່ມະຫາວິທະຍາໄລເສລີແບກແລງຢ່າງເປັນທາງການ.
ໃນພິທີເປີດຜ້າປົກປ້າຍທີ່ຈັດຂຶ້ນໃນມື້ດຽວກັນ,ທ່ານມາຊັ້ນຢົງ ເອກອັກຄະລັດຖະທູດຈີນປະຈຳເຢຍລະມັນເວົ້າວ່າ,ທ່ານຫວັງໃຫ້ສະຖາບັນຂົງຈື້ຂອງມະຫາວິທະຍາໄລເສລີແບກແລງທີ່ສ້າງຕັ້ງຂຶ້ນ,ສາມາດເລີ່ມແລກປ່ຽນດ້ານພາສາແລະວັດທະນະທຳລະຫວ່າງຈີນກັບເຢຍລະມັນ,ຕອບສະໜອງຄວາມຮຽກຮ້ອງທີ່ນັບມື້ນັບເພີ່ມຂຶ້ນຂອງປະຊາຊົນເຢຍລະມັນໃນດ້ານຮຽນພາສາຮັ້ນແລະຮຽນຮູ້ວັດທະນະທຳຈີນ,ປະກອບສ່ວນຫຼາຍກວ່າເກົ່າເພື່ອເພີ່ມທະວີຄວາມເຂົ້າໃຈແລະຄວາມໄວ້ເນື້ອເຊື່ອໃຈກັນລະຫວ່າງປະຊາຊົນສອງປະເທດ,ຊຸກຍູ້ການແລກປ່ຽນວັດທະນະທຳແລະຂະຫຍາຍການພົວພັນໄມຕີຈິດລະຫວ່າງສອງປະເທດຢ່າງປອດໃສ.
ທ່ານເດຍເທີ ເລັນເຊັນ ອະທິການບໍດີມະຫາວິທະຍາໄລເສລີແບກແລງເວົ້າວ່າ,ການສ້າງຕັ້ງສະຖາບັນຂົງຈື້ມີຄວາມໝາຍສຳຄັນຕໍ່ການແລກປ່ຽນແລະຮ່ວມມືກັນທາງວັດທະນະທຳລະຫວ່າງເຢຍລະມັນກັບຈີນ,ທ່ານຫວັງໃຫ້ສະຖາບັນຂົງຈື້ຂະຫຍາຍຜົນສະທ້ອນຂອງການແລກປ່ຽນວັດທະນະທຳເຢຍລະມັນຈີນໄປຮອດສັງຄົມເຢຍລະມັນ,ຊຸກຍູ້ໃຫ້ປະຊາຊົນເຢຍລະມັນຮູ້ຈັກວັດທະນະທຳຈີນຫຼາຍຂຶ້ນຕື່ມອີກ.
|
|
|
