|
ຕາມຂ່າວສານຊິນຮວາ:ວັນທີ7ພຶດສະພາ,ທ່ານຄິສ໌ລີອັກ ຮອງລັດຖະມົນຕີການຕ່າງປະເທດຣັດເຊຍເວົ້າວ່າ,ທີ່ຈິງແລ້ວ,ຂະບວນວິວັດສັນຕິພາບຕາເວັນອອກກາງໄດ້ຢຸດຊະງັກແລ້ວ,ປາເລັສຕິນກັບອິສຣາແອນພວມຕີຕົວອອກຫ່າງກັນ,ບັນຍາກາດອັນເຄັ່ງຕືງພວກເພິ່ມຂຶ້ນ.
ທ່ານຄິສ໌ລີອັກເວົ້າວ່າ,ການເຈລະຈາສີ່ຝ່າຍກ່ຽວພັບກັບບັນຫາຕາເວັນອອກກາງ ເຊັ່ນ,ຣັດເຊຍ,ອາເມລິກາ,ສະຫະປະຊາຊາດກັບສະຫະພາບເອີລົບຈະຈັດຂຶ້ນຢູ່ນີວຢອກແມ່ນເພື່ອຊ່ອຍເຫຼືອປາເລັສຕິນກັບອິສຣາແອນຟື້ນຟູການສົນທະນາກັນ,ແລະເຈລະຈາກັນຄືນໃໝ່ບົນພື້ນຖານແຜນການ"ແຜນທີ່"ເສັນທາງສັນຕິພາບຕາເວັນອອກກາງ.ຣັດເຊຍເຫັນວ່າ,ຕ້ອງສົ່ງສັນຍານທີ່ຍຶດໝັ້ນປະລະກຳລັງຮຸນແຮງ,ເຄົາລົບເຊິ່ງກັນແລະກັນແລະປະຕິບັນຫຼັກການໃນສັນຍາທີ່ໄດ້ເຊັ່ນກັນ ໃຫ້ແກ່ປາເລັສຕິນກັບອິສຣາແອນທັງສອງຝ່າຍ.
ທ່ານຍັງກ່າວວ່າ,ສີ່ຝ່າຍກ່ຽວພັບກັບບັນຫາຕາເວັນອອກກາງຄວນສະແຫວງຫາວິທີ,ກັ້ນກາງບໍ່ໃຫ້ສະຖານະການລັດທິມະນຸດຊະທຳຢູ່ບົນດິນແດນປາເລັສຕິນຊຸດຮ້າຍລົງ,ປົກປັກຮັກສາລະບອບອຳນາດການປົກຄອງປາເລັສຕິນທີ່ສ້າງຕັ້ງຂຶ້ນພາຍໃນຂອບຂະບວນວິວັດສັນຕິພາບ.
|
