ຕາມ​ຂ່າວcri:ວັນ​ທີ8​ພຶດສະພາ,ທ່ານ​ແບຼ ນາຍົກລັດຖະມົນຕີອັງກິດ​ກ່າວ​ວ່າ,ກະ​ວ່າລັດຖະບານ​ອັງກິດຈະ​ປະກາດ​ແຜນການ​ຫຼຸດຈຳນວນທ​ະຫານ​ອັງກິດ​ປະຈຳ​ອີຣັກ​ໃຫ້​ໜ້ອຍ​ລົງ​​ພາຍ​ໃນ​ສອງ​ສາມ​ອາທິດຂ້າງ​ໜ້າ​ນີ້.
ທ່ານ​ແບຼ​ແມ່ນ​​ໃຫ້​ທັດສະນະ​ດັ່ງກ່າວ​ໃນ​ເວລາ​​ຕອບ​ຄຳ​ຖາມ​ທີ່​ກ່ຽວຂ້ອງ​ໃນ​ງານ​ຊຸມນຸມ​ນັກ​ຂ່າວ​ທີ່​ຈັດ​ຂຶ້ນ​ໃນ​ມື້​ດຽວ​ກັນ.ທ່ານ​ແບຼຊີ້​ອອກ​ວ່າ,ຕາບ​ໃດ​ຫາກ​ຄະນະ​ລັດຖະບານ​ຂອງ​ທ່ານ​ອານ-ມາລີຄີ ນາຍົກລັດ​ຖະມົນຕີຜູ້​ໃໝ່​ອີຣັກ​​ໄດ້​ຕົກລົງ​ຮຽບຮ້ອຍ​ແລ້ວ,ບັນດາ​ຝ່າຍ​ທີ່​ກ່​ຽວຂ້ອງ​ຈະ​ເລີ່​ມຫາລື​ບັນຫາ​ກ່ຽວ​ກັບ​ຕົວ​ສະ​ແດງ​ຂອງ​ທະຫານ​ນານາຊາດ​ທີ່ຖື​ອາ​ເມ​ລິ​ກາ​ເປັນ​ຫົວ​ໜ້າ​ຢູ່​ອີຣັກ​ໃນ​ອະນາຄົດ.

ເພື່ອ​ຜ່ອນ​ຍານ​ຄວາມ​ບໍ່ພໍ​ໃຈ​ຂອງ​ມວນ​ຊົນທີ່​ມີ​ຕໍ່​ອັງກິດ​ເຂົ້າ​ຮ່ວມ​ສົງຄາມ​ອີຣັກ,ລັດຖະບານ​ແບຼ​ເຄີຍ​​​ໃຫ້ຄຳ​ໝັ້ນ​ສັນຍາ​ທີ່​ຫຼາຍ​ເທື່ອ​ວ່າ​ຈະຖອນ​ທ​ະຫານ​ຫຼື​ຫຼຸດ​ຈຳນວນ​ທະຫານ​ປະຈຳ​ອີຣັກ,​ແຕ່​ຈົນ​ເຖິງ​ປັດຈຸບັນ​ຍັງ​ບໍ່​​ທັນໄດ້ບັນລຸ​ຜົນ​ເປັນ​ຈິງ​ເທື່ອ.