ຕາມຂ່າວcri:ວັນທີ9ພຶດສະພາ,ຫັຼງຈາກສີ່ຝ່າຍກ່ຽວກັບບັນຫາຕາເວັນອອກກາງ(ຄື,ສະຫະປະຊາດ,ອາເມລິກາ,ສະຫະພາບເອີລົບແລະຣັດເຊຍ)ໄດ້ພົບປະເຈລະຈາຢູ່ສຳນັກງານໃຫຍ່ສະຫະປະຊາຊາດທີ່ນີວຢອກແລ້ວໄດ້ອອກຖະແຫຼງການວ່າ, ເຫັນດີຊ່ອຍເຫຼືອປະຊາຊົນປາເລັສຕິນໂດຍຜ່ານ"ກົນໄກສາກົນ"ຢ່າງຊົ່ວຄາວ.
ໃນຖະແຫຼງການ,ສີ່ຝ່າຍໄດ້ຮັບເຫັນດີນຳຂໍ້ສະເໜີ"ກົນໄກສາກົນ"ທີ່ສະຫະພາບເອີລົບລິເລີ່ມ,ເຫັນດີຊ່ອຍເຫຼືອປະຊາຊົນປາເລັສຕິນໂດຍຜ່ານກົນໄກຊົ່ວຄາວທີ່ມີຂອບເຂດແລະເວລາກຳນົດຈຳກັດດັ່ງກ່າວນີ້.ຖະແຫຼງການກ່າວວ່າ,ກົນໄກນີ້ຈະເລິ່ມເຮັດວຽກໂດຍໄວ,ບັນດາຝ່າຍທີ່ກ່ຽວຂ້ອງຈະສຳຫຼວດກວດກາຜົນຂອງກົນໄກດັ່ງກ່າວພາຍຫຼັງ3ເດືອນ ເພື່ອຕົກລົງວ່າມັນມີຄວາມຈຳເປັນເຮັດວຽກຕໍ່ໄປຫືຼບໍ່.ພ້ອມກັນນັ້ນ,ຖະແຫຼງການຍັງທວງໃຫ້ອິສຣາແອນໃຊ້ມາດຕະການປົງແປງສະພາບລັດທິມະນຸດສະທຳຂອງປະຊາຊົນປາເລັສຕິນໃຫ້ດີຂຶ້ນ.
ໃນງານຖະແຫຼງຂ່າວຫຼັງຈາກການພົບປະເຈລະຈາ,ທ່ານນາງຟິເຣໂຣ-ວອນເນີ ກຳມະການການພົວພັນກັບຕ່າງປະເທດຂອງສະຫະພາບເອີລົບເວົ້າວ່າ,ສະຫະພາບເອີລົບສະເໜີໃຫ້ຈັດກອງປະຊຸມຜູ້ຊ່ຽວຊານຢູ່ບຼູແຊນໂດຍໄວເພື່ອກຳນົດລາຍລະອຽດຂອງ"ກົນໄກສາກົນ",ແລະສຳເລັດວຽກງານດັ່ງກ່າວພາຍໃນສອງສາມອາທິດ.
|