ຕາມ​ຂ່າວcri:ວັນ​ທີ10​ພຶດສະພາ,ທ່ານ​ນາງ​ລີ​ຟນີ ລັດຖະມົນຕີ​ການ​ຕ່າງປະ​ເທດ​ອິສຣາ​ແອນ​ກ່າວ​ວ່າ,ອິສຣາ​ແອນ​ຮັບ​ເອົາຂໍ້​ຕົກລົງ​ຂອງ4​ຝ່າຍ​ບັນຫາ​ຕາ​ເວັນ​ອອກ​ກາງ(ຄື​ສະຫະ​ປະຊາ​ຊາດ,ອາ​ເມ​ລິ​ກາ,ສະຫະພາບ​ເອີ​ລົບ​ແລະຣັດ​ເຊຍ)ກ່ຽວ​ກັບ​ການສະໜອງ​ການ​ຊ່ອຍ​ເຫືຼອຊົ່ວຄາວ​​ແກ່​ປະຊາຊົນ​ປາ​ເລັສຕິນ,​ແລະ​ຍິນ​ດີມອບຄ່າ​ພາສີທີ​ເກັບແທນທີ່​ຖືກ​ງົດໄວ້ນັ້ນ​ໃຫ້ປາ​ເລັສຕິນ.ມື້ດຽວກັນ,ທ່ານ​ຮາ​ນີ​ເຢ ນາຍົກ​ລັດຖະ​ມົນຕີລັດຖະບານ​ປົກຄອງ​ຕົນ​ເອງ​ຂອງປາ​ເລັສຕິນ​ພັດສະ​ແດງ​ຄວາມ​ບໍ່ພໍ​ໃຈ​ຕໍ່ມະຕິ​ຊ່ອຍ​ເຫຼືອ​ປາ​ເລັສຕິນທີ່​ມີ​ເງື່ອນ​ໄຂ​ເບື້ອງ​ຕົ້ນ​ຂອງ4​ຝ່າຍ​ບັນຫາ​ຕາ​ເວັນ​ອອກ​ກາງ.

ມື້​ດຽວ​ກັນ,​ໃນ​ເວລາ​ໃຫ້​ສຳພາດ​ຕໍ່​ສື່ມວນ​ຊົນ​ອິສຣາ​ແອນ,ທ່ານ​ນາງລີ​ຟນີ​ເວົ້າ​ວ່າ,ຄ່າພາສີ​ທີ່​ເກັບແທນ​ທີ່ຝ່າຍ​ອິສຣາ​ແອນມອບ​ໃຫ້​ປາ​ເລັສຕິນ​ນັ້ນຈະ​ເອົາ​ມາ​ຜ່ອນ​ຄາຍວິ​ກິດ​ການ​ລັດທິ​ມະນຸດສະທຳ​ຂອງ​ປາ​ເລັສຕິນ,​ແຕ່ຈະ​​ເຂົ້າຖົງ​ຂອງ​ອົງການ​ຮາ​ມາສ໌ບໍ່​ໄດ້.

ມື້​ດຽວ​ກັນ,ຢູ່​ທີ່​ກາຊາ,ທ່ານ​ຮາ​ນີ​ເຢ​ເວົ້າ​ວ່າ,ມະ​ຕິ​ຊ່ອຍ​ເຫືຼອປາ​ເລັສຕິນທີ່4​ຝ່າຍ​ບັນຫາ​ຕາ​ເວັນ​ອອກ​ກາງຜ່ານ​ຮັບຮອງ​ໃນ​ວັນ​ທີ9​ພຶດສະພາ​ນັ້ນ​​ເຈຕະນາ​ອ້ອມ​ຜ່ານ​ລັດຖະບານ​ປົກຄອງ​ຕົນ​ເອງ​ທີ່​ນຳພາ​ໂດຍອົງການ​ຮາ​ມາສ໌ ​ແລ້ວສະ​ໜອງ​ການ​ຊ່ອຍ​ເຫຼືອ​ອັນ​ແນ່ນອນ​ໃຫ້​ແກ່​ຝ່າຍ​ປາ​ເລັສຕິນ,​ມີ​ຈຸດປະສົງ​ບັງຄັບ​ໃຫ້​ລັດຖະ​ບານ​ປົກ​ຄອງ​ຕົນ​ເອງ​ຂອງປາ​ເລັສຕິນຜ່ອນ​ສັ້ນ​ຜ່ອນ​ຍາວ​ໃນ​ດ້ານ​ສິດຜົນ​ປະ​ໂຫຍ​ດທີ່​ຊອບ​ກົດໝາຍ​ຂອງ​ປະຊາຊົນ​ປາ​ເລັສຕິນ​ແລະ​ຮັບຮອງການ​ຄວາມ​ຊອບ​ກົດໝາຍ​ຂອງ​ຍຶດຄອງ​ຂອງ​ປາ​ເລັສຕິນ​.