|
ຕາມຂ່າວສານຊິນຮວາ:ວັນທີ11 ພຶດສະພາ,ຄະນະຜູ້ແທນຈີນທີ່ເຂົ້າຮ່ວມກອງປະຊຸມປະຈຳປີຄັ້ງທີ14ຂອງຄະນະກຳມະການພັດທະນາແບບຍຶນຍົງອົງການສະຫະປະຊາຊາດຈັດກອງປະຊຸມປິດປະຕູ ພິເສດຢູ່ສຳນັກງານໃຫຍ່ສະຫະປະຊາຊາດນົວຢອກ,ແນະນຳສະພາບທີ່ຈີນປະຕິບັດຍຸດທະສາດພັດທະນາແບບຍຶນຍົງໃຫ້ຜູ້ແທນຂອງບັນດາປະເທດ.
ທ່ານດູ້ຢິ່ງ ຫົວໜ້າຄະນະຜູ້ແທນຈີນ,ຮອງຫົວໜ້າຄະນະກຳມະການພັດທະນາແລະປະຕິຮູບແຫ່ງລັດຈີນກ່າວຄຳປາໄສຢູ່ທີ່ກອງປະຊຸມວ່າ,ຫຼາຍປີມານີ,ຈີນຍຶດໝັ້ນວາງແຜນພັດທະນາຢ່າງກົມກຽວກັນລະຫວ່າງມະນຸດກັບທຳມະຊາດ,ເຮັດໃຫ້ການພັດທະນາແບບຍຶນຍົງຜັນຂະຫຍາຍຢູ່ໃນບັນດາຂົງເຂດພັດທະນາເສດຖະກິດແຫ່ງຊາດແລະສັງຄົມແຕ່ກົກສຸດປາຍ.
ທ່ານດູ້ຢິ່ງຊີ້ອອກວ່າ,ພະລັງງານ,ການພັດທະນາອຸດສາຫະກຳ,ການເຊື່ອມພິດອາກາດແລະພູມອາກາດປ່ຽນແປງມີລັກສະນະກວມໂລກ,ແມ່ນບັນຫາທີ່ປະເທດພັດທະນາແລະປະເທດພວມພັດທະນາເອົາໃຈໃສ່ນຳກັນ.ຕ້ອງຮັບມືການທ້າທາຍຂອງພະລັງງານແລະສິ່ງແວດລ້ອມຢ່າງເໝົາສົມ,ການບັນລຸການພັດທະນາແບບຍຶນຍົງ,ຕ້ອງເພີ່ມທະວີການຮ່ວມມືໃນທົ່ວໂລກ.ຈີນຫວັງໃຫ້ສືບຕໍ່ແລກປ່ຽນແລະຮ່ວມມືກັບປະຊາຄົມໂລກໃນຂະບວນການສູ້ຊົນບັນລຸຈຸດໝາຍພັດທະນາແບບຍຶນຍົງ.
|
