ຕາມຂ່າວcri:ວັນທີ15ພຶດສະພາ,ທ່ານອັບບາສ໌ ປະທານອົງການອຳນາດແຫ່ງຊາດປາເລັສຕິທີ່ໄປຢ້ຽມຢາມຣັດເຊຍໄດ້ຮຽກvຮ້ອງໃຫ້ລັດຖະບານຊຸດໃໝ່ຂອງອິສຣາແອນຟື້ນການຟູເຈລະຈາກັບຝ່າຍປາເລັສຕິນອີກ,ແລະກ່າວວ່າການເຈລະຈາແມ່ນຊ່ອງທາງທີ່ບັງເກີດຜົນພຽງອັນດຽວທີ່ແກ້ໄຂການປະທະກັນ.
ມື້ດຽວກັນ,ໃນເວລາພົບປະກັບທ່ານປູຕິນ ປະທານາທິບໍດີຣັດເຊຍຢູ່ໂຊຊີ ເມືອງພາກໃຕ້ຂອງຣັດເຊຍ,ທ່ານອັບບາສ໌ກ່າວວ່າ,ປາເລັສຕິນແມ່ນໝູ່ເພື່ອນຂອງອິສຣາແອນ,ຝ່າຍປາເລັສຕິນເຊື່ອວ່າໂດຍຜ່ານຈາກຮູບການເຈລະຈາສັນຕິພາບຈະສາມາດຊອກພົບແຜນການແກ້ໄຂທີ່ສອງຝ່າຍລ້ວນແຕ່ເພິ່ງພໍໃຈ.ແຜນການ"ແຜນທີ່"ເສັ້ນທາງສັນຕິພາບຕາເວັນອອກກາງຍັງມີຜົນສັກສິດ,ນີ້ແມ່ນແຜນການສຳຄັນແຫ່ງການແກ້ໄຂການປະທະກັນ.
ໂດຍແນໃສ່ການສະແດງທ່າທີຂອງທ່ານອັບບາສ໌,ມື້ດຽວກັນ,ລັດຖະບານອິສຣາແອນກ່າວວ່າ,ກ່ອນອົງການຮາມາສ໌ຮັບຮອງອິສຣາແອນ,ອິສຣາແອນຈະບໍ່ ເຈລະຈາສັນຕິພາບຄືນໃໝ່.ມື້ດຽວກັນ,ອົງການຮາມາສ໌ກໍ່ໄດ້ປະຕິເສດຄຳຮຽກຮ້ອງຂອງທ່ານອັບບາສ໌,ກ່າວວ່າຈະບໍ່ຮັບເອົາຖ້ອຍຄວາມໃດໆທີ່ປະລະການຕໍ່ຕ້ານ.
|