|
|
 |
| (GMT+08:00)
2006-05-18 20:53:14
|
 |
|
ທ່ານອູປາງໂກກ່າວສະແດງວ່າ ຊຸກຍູ້ການຮ່ວມມືກັນເຮັດໂຄງການໃຫຍ່ຈະແມ່ນຫົວຂໍ້ສຳຄັນໃນການຮ່ວມມືເສດຖະກິດການຄ້າລະຫວ່າງຈີນລູມານີ
cri
Author: da
|
ທ່ານອູປາງໂກເດີນທາງໄປຮອດລູມານີ
ຕາມຂ່າວCRI:ວັນທີ 18 ພຶດສະພາ ຢູ່ບຸຍກາແລັດ ທ່ານອູປາງໂກ ປະທານຄະນະປະຈຳສະພາປະຊາຊົນແຫ່ງຊາດຈີນທີ່ພວມຢ້ຽມຢາມຢູ່ລູມານີກ່າວວ່າ,ການຊຸກຍູ້ໃຫ້ວິສາຫະກິດຮ່ວມມືກັນ ໂດຍສະເພາະແມ່ນການຮ່ວມມືກັນເຮັດໂຄງການໃຫຍ່ທີ່ຊັກນຳພາກສ່ວນທັງໝົດ,ແມ່ນຫົວຂໍ້ສຳຄັນໃນການຍົກຄຸນນະພາບແລະລະດັບຂອງການຮ່ວມມືດ້ານເສດຖະກິດການຄ້າລະຫວ່າງຈີນກັບລູມານີ.
ທ່ານອູປາງໂກແມ່ນໃຫ້ທັດສະນະດັ່ງກ່າວໃນເວລາກ່າວຄຳປາໄສໃນພິທີໄຂງານສຳມະນາເສດຖະກິດການຄ້າຈີນລູມານີ.ຂະນະດຽວກັນນີ້,ທ່ານຊີ້ອອກວ່າ,ການຮ່ວມມືດ້ານເສດຖະກິດການຄ້າລະຫວ່າງສອງປະເທດຍັງມີບັນຫາຄ້າງຄາຢູ່ຄືການຄ້າບໍ່ສົມດຸນກັນ,ການຮ່ວມມືລະຫວ່າງວິສາຫະກິດຂ້ອນຂ້າງອ່ອນແອແລະຂາດການຄ້ຳປະກັນຂອງໂຄງການໃຫຍ່.ທ່ານຫວັງໃຫ້ວົງການວິສາຫະກິດຂອງສອງປະເທດຈົ່ງເພີ່ມທະວີການຮ່ວມມືກັນ.
ທ່ານອູປາງໂກກ່າວເນັ້ນວ່າ,ລັດຖະບານຈີນຈະສົ່ງເສີມວິສາຫະກິດໃຫຍ່ແລະກຸ່ມໃຫຍ່ທີ່ມີກຳລັງແຮງແລະມີຄວາມສັດທາດີໄປລົງທຶນທຸລະກິດຢູ່ລູມານີ,ທັງຊົມເຊີຍນັກທຸລະກິດລູມານີມາທຸລະກິດຢູ່ຈີນ.ທ່ານຍັງຫວັງໃຫ້ຄະນະກຳມະການປະສົມເສດຖະກິດການຄ້າຈີນລູມານີປະສານງານແລະຊຳລະແກ້ໄຂບັນຫາສຳຄັນໃນການພົວພັນດ້ານເສດຖະກິດການຄ້າລະຫວ່າງສອງປະເທດຢ່າງທັນການ,ອຳນວຍຄວາມສະດວກຍິ່ງຫຼາຍໃຫ້ແກ່ການຮ່ວມມືກັນລະຫວ່າງວິສາຫະກິດ.
ເຈົ້າໜ້າທີ່ພາກສ່ວນລັດຖະບານແລະບຸກຄົນວົງການອຸດສາຫະກຳການຄ້າຂອງສອງປະເທດປະມານ 600 ຄົນໄດ້ເຂົ້າຮ່ວມງານສຳມະນາດັ່ງກ່າວ.
ກ່ອນງານສຳມະນາ,ທ່ານອູປາງໂກຍັງໄດ້ພົບປະປະທານສອງສະພາລູມານີ,ແລກປ່ຽນຄວາມເຫັນຕື່ມກ່ຽວກັບການຂະຫຍາຍການພົວພັນລະຫວ່າງສອງປະເທດ ເພີ່ມທະວີການຮ່ວມມືລະຫວ່າງສະພາສອງປະເທດເປັນຕົ້ນ.
|
|
|
