|
|
 |
| (GMT+08:00)
2006-05-19 10:40:10
|
 |
|
ທ່ານອານນານແຕ່ງຕັ້ງຜູ້ປະສານງານໄຂ້ຫວັດໃຫຍ່
cri
ຕາມຂ່າວCRI, ວັນທີ18ພຶດສະພາ, ທ່ານດູຈາລິກ ໂຄສົກສະຫະປະຊາຊາດປະກາດວ່າ, ວັນທີ18ພຶດສະພາ, ທ່ານອານນານ ເລຂາທິການໃຫຍ່ສະຫະປະຊາຊາດໄດ້ແຕ່ງຕັ້ງທ່ານນາງແຮນກິນທີ່ມາຈາກໂຮນລັງເປັນຜູ້ປະສານງານຮັບມືກັບໄຂ້ຫວັດໃຫຍ່, ເພື່ອເຮັດວຽກງານກະກຽມໃຫ້ດີເພື່ອໃຫ້ສະຫະປະຊາຊາດຮັບມືກັບພະຍາດໄຂ້ຫວັດນົກທີ່ອາດລະບາດໃນມວນມະນຸດ.
ມື້ດຽວກັນ, ທ່ານດີອູຟ ຜູ້ອຳນວຍການໃຫຍ່ອົງການຟາວສະຫະປະຊາຊາດຊີ້ອອກວ່າ, ປະຊາຄົມໂລກປ້ອງກັນແລະປິ່ນປົວໄຂ້ຫວັດນົກຄວນເລີ່ມຈາກການປ້ອງກັນພະຍາດຂອງສັດ. ໃນກອງປະຊຸມພາກພື້ນອາຊີປາຊິຟິກຄັ້ງທີ28ຂອງອົງການຟາວທີ່ຈັດຂຶ້ນຢູ່ຢາກາກຕານະຄອນຫຼວງອິນໂດເນເຊຍໃນວັນທີ18ພຶດສະພາ, ທ່ານດີອຸຟກ່າວວ່າ, ປະຊາຄົມໂລກໄດ້ໃຫ້ຄຳໝັ້ນສັນຍາວ່າຈະລົງທຶນ9ຕື້ໂດລາສະຫະລັດເພື່ອປ້ອງກັນແລະປິ່ນປົວໄຂ້ຫວັດນົກ, ແຕ່ທຶນງວດນີ້ສ່ວນຫຼາຍທີ່ສຸດຈະໃຊ້ໃນການປ້ອງກັນພະຍາດຂອງຄົນ, ພັດບໍ່ແມ່ນສັດ, ນີ້ບໍ່ແມ່ນການເລືອກເອົາທີ່ສະຫຼາດສ່ອງໃສ. ທ່ານກ່າວວ່າ, ຖ້າຍ້ອນວ່າບໍ່ໄດ້ເອົາໃຈໃສ່ເທົ່າທີ່ຄວນນຳການປ້ອງກັນພະຍາດຂອງສັດແລ້ວພາໃຫ້ສະພາບສັດຕິດພະຍາດໄຂ້ຫວັດນົກຮ້າຍແຮງຂຶ້ນຢ່າງສືບເນື່ອງແລ້ວ, ມະນຸດຈະປະເຊີນກັບການຂົ່ມຂູ່ໃຫຍ່ກວ່າເກົ່າ.
|
|
|
