|
|
 |
| (GMT+08:00)
2006-05-19 20:36:07
|
 |
|
ຈີນກັບໄທເຊັນບົດບັນທຶກຊ່ອຍຈຳກ່ຽວກັບການຮ່ວມມືດ້ານວິທະຍຸໂທລະພາບ
cri
Author: da
ຕາມຂ່າວCRI:ວັນທີ 19 ພຶດສະພາ ຢູ່ບາງກອກ ທ່ານເລີຍຢວນລ້ຽງ ຮອງຫົວໜ້າກົມໃຫຍ່ວິທະຍຸຮູບເງົາໂທລະພາບແຫ່ງຊາດຈີນທີ່ພວມຢ້ຽມຢາມຢູ່ໄທກັບຜູ້ອຳນວຍການໃຫຍ່ອົງການສື່ມວນຊົນໄທໄດ້ເຊັນ"ບົດບັນທຶກຊ່ອຍຈຳກ່ຽວກັບການຮ່ວມມືໃນການແລກປ່ຽນກັນດ້ານວິທະຍຸໂທລະພາບຂອງສອງປະເທດ.ນີ້ເປັນຂີດໝາຍສະແດງໃຫ້ເຫັນວ່າ ການຮ່ວມມືດ້ານວິທະຍຸໂທລະພາບລະຫວ່າງສອງປະເທດໄດ້ລົງສູ່ລວງເລິກຕື່ມອີກ.
ໃນພິທີລົງນາມ ທ່ານເລີຍຢວນລ້ຽງກ່າວຄຳປາໄສວ່າ,ຈີນໄທມີພູມພາກແລະວັດທະນະທຳຄ້າຍຄືກັນ,ການແລກປ່ຽນແລະຮ່ວມມືກັນລະຫວ່າງສື່ມວນຊົນດ້ານວິທະຍຸຮູບເງົາໂທລະພາບຈະເສີມຂະຫຍາຍບົດບາດສຳຄັນໃນການເພີ່ມຄວາມເຂົ້າໃຈກັນລະຫວ່າງສອງປະເທດ ປົກປັກຮັກສາຄວາມຫຼາກຫຼາຍຂອງວັດທະນະທຳແລະຊຸກຍູ້ໃຫ້ພາກພື້ນຫັນເປັນເອກະພົບດຽວ,ເຊື່ອວ່າການເຊັນ"ບົດບັນທຶກຊ່ອຍຈຳ"ສະບັບດັ່ງກ່າວຈະສ້າງພື້ນຖານອັນໝັ້ນແກ່ນໃຫ້ແກ່ສອງຝ່າຍເປີດກວ້າງຂົງເຂດແລກປ່ຽນແລະເຮັດໃຫ້ເນື້ອໃນການຮ່ວມມືອຸດົມສົມບູນຂຶ້ນຕື່ມອີກ.
ຄະນະຜູ້ແທນວິທະຍຸໂທລະພາບຈີນໄດ້ເດີນທາງໄປຮອດບາງກອກໃນຕອນຂ້ອນແຈ້ງວັນທີ 19 ພຶດສະພາ,ເລີ່ມຢ້ຽມຢາມພາກສ່ວນວິທະຍຸໂທລະພາບຂອງໄທເປັນເວລາສອງມື້.ມື້ດຽວກັນ,ຄະນະຜູ້ແທນໄດ້ເຂົ້າຢຽມຄ່ຳນັບລັດຖະມົນຕີທຳນຽບນາຍົກລັດຖະມົນຕີໄທ,ແລະຢ້ຽມຢາມສະຖານີວິທະຍຸໄທ ກົມຖະແຫຼງຂ່າວແຫ່ງຊາດໄທແລະໂທລະພາບຊ່ອງ 11 ຂອງໄທ,ໄດ້ສຳຫຼວດສະພາບໝູນເດີນຂອງລະບົບວິທະຍຸໂທລະພາບຂອງໄທ.
|
|
|
