|
ຕະຫຼາດຫຼັກຊັບນິວຢອກແຂ່ງຂັນຊື້ຕະຫຼາດຫຼັກຊັບປານເອີລົບດ້ວຍ 10 ຕື້ 200 ລ້ານໂດລາສະຫະລັດ
cri
ຕາມຂ່າວສານຊີນຮວາ: ວັນທີ 22 ພຶດສະພາ, ຕະຫຼາດຫຼັກຊັບນິວຢອກປະກາດວ່າ ຈະອອກທຶນ 10 ຕື້ 200 ລ້ານໂດລາສະຫະລັດເພື່ອແຂ່ງຂັນຊື້ຕະຫຼາດຫຼັກຊັບປານເອີລົບ. ຖ້າສຳເລັດຜົນໃນທີ່ສຸດ, ບໍລິສັດໃໝ່ທີ່ໂຮມເຂົ້າກັນແລ້ວຈະມີມູນຄ່າໃນຕະຫຼາດ 27 ຕື້ໂດລາ, ກາຍເປັນແທ່ນຊື້ຂາຍຫຼັກຊັບໃຫຍ່ກວ່າໝູ່ໃນໂລກ.
ຕະຫຼາດຫຼັກຊັບປານເອີລົບຈະໄຂກອງປະຊຸມຂາຫຸ້ນປະຈຳປີຢູ່ອຳສະແຕກດຳແຫ່ງໂຮນລັງ, ເພື່ອລົງຄະແນນສຽງຕໍ່ແຜນການຂອງຕະຫຼາດຫຼັກຊັບນິວຢອກແລະຕະຫຼາດຫຼັກຊັບເຢຍລະມັນ ເຊິ່ງເປັນຄູ່ແຂ່ງຂັນ.
|
|
