|
ຕາມຂ່າວສານຊິນຮວາ:ວັນທີ23ພຶດສະພາ,ຢູ່ວໍຊີງຕັນ,ທ່ານບຸສ ປະທານາທິບໍດີອາເມລິກາເວົ້າວ່າ,ແຜນການຖອນອອກຈາກຝັ່ງຕາເວັນຕົກແມ່ນ້ຳຈໍແດນຕື່ມອີກທີ່ທ່ານໂອເມີດ ນາຍົກລັດຖະມົນຕີອິສຣາແດນວາງອອກນັ້ນອາດຈະກາຍເປັນບາດກ້າວສຳຄັນແຫ່ງການບັນລຸສັນຕິພາບຕາເວັນອອກກາງ.
ມື້ດຽວກັນ,ທ່ານບຸສແມ່ນໃຫ້ທັດສະນະດັ່ງກ່າວໃນງານຊຸມນຸມນັກຂ່າວຮ່ວມ ຫຼັງຈາກພົບປະທ່ານໂອເມີດທີ່ໄປຢາມ.ພ້ອມກັນນັ້ນ,ທ່ານກ່າວລື້ມວ່າ,ອິສຣາແອນກັບປາເລັສຕິນຄວນຜ່ານຈາກເຈລະຈາກັນມາຊຸກຍູ້ຂະບວນວິວັດສັນຕິພາບຕາເວັນອອກກາງ.
ທ່ານໂອເມີດກ່າວວ່າ,ທ່ານຈະເຈລະຈາກັບທ່ານອັບບາສ໌ ປະທານອົງການອຳນາດແຫ່ງຊາດປາເລັສຕິນໃນໄວໆນີ້.ທ່ານກ່າວລື້ມວ່າ,ຖ້າອິສຣາແອນໄດ້ຂໍ້ສະຫຼຸບສຸດທ້າຍວ່າບໍ່ສາມາດຜ່ານຈາກການເຈລະຈາມາປະຕິບັດແຜນການ"ແຜນທີ່"ເສັ້ນທາງສັນຕິພາບຕາເວັນອອກກາງ,ຝ່າຍອິສຣາແອນກໍ່ຈະສະແຫວງຫາຊ່ອງທາງອື່ນມາຂີດແບ່ງຊາຍແດນລະຫວ່າງປາເລັສຕິນກັຍອິສຣາແອນ,ພ້ອມກັນນັ້ນຈະອະນຸຍາດໃຫ້ຊາວປາເລັສຕິນສ້າງຕັ້ງປະເທດຂອງຕົນ.ພ້ອມກັນນັ້ນ,ທ່ານໂອເມີດກ່າວວ່າ,ຖ້າອົງການຮາມາສສາມາດຮັບຮອງອິສຣາແອນແລະປະລະການໃຊ້ກຳລັງອາວຸດ,ອິສຣາແອນກໍ່ຈະກາຍເປັນຄູ່ຂາສັນຕິພາບຂອງປາເລັສຕິນ.
|
