|
|
 |
| (GMT+08:00)
2006-05-25 18:51:42
|
|
ການຫາລືກັນລະຫວ່າງເຈົ້າໜ້າທີ່ອາວຸໂສຈີນອາຊຽນຈະຈັດຂຶ້ນຢູ່ກຳປູເຈຍໃນອາທິດໜ້າ
cri
Author: mo
ຕາມຂ່າວCRI: ການປຶກສາຫາລືກັນລະຫວ່າງເຈົ້າໜ້າທີ່ອາວຸໂສຈີນອາຊຽນຄັ້ງທີ 12 ຈະຈັດຂຶ້ນຢູ່ກຳປູເຈຍແຕ່ວັນທີ 29 ຫາວັນທີ 30 ພຶດສະພາ. ທ່ານອູຕ້າເວີຍ ຮອງລັດຖະມົນຕີການຕ່າງປະເທດຈີນ, ແລະຮອງລັດຖະມົນຕີການຕ່າງປະເທດທີ່ກຳກັບວຽກງານຂອງ 10 ປະເທດອາຊຽນພ້ອມດ້ວຍເລຂາທິການໃຫຍ່ອາຊຽນຈະເຂົ້າຮ່ວມກອງປະຊຸມ.
ການປຶກສາຫາລືລະຫວ່າງເຈົ້າໜ້າທີ່ອາວຸໂສຈີນອາຊຽນແມ່ນກົນໄກປຶກສາຫາລືປະຈຳປີທີ່ສຳຄັນຂອງສອງຝ່າຍ, ຜັນປ່ຽນກັນຈັດຂຶ້ນຢູ່ຈີນແລະປະເທດອາຊຽນ, ມີວັດຖຸປະສົງແລກປ່ຽນຄວາມເຫັນກ່ຽວກັບການພົວພັນສອງຝ່າຍພ້ອມດ້ວຍບັນຫາສາກົນແລະພາກພື້ນ, ປະສານຫຼັກໝັ້ນແລະເພີ່ມທະວີການຮ່ວມມືກັນ. ປີນີ້ແມ່ນຈີນອາຊຽນສ້າງການພົວພັນສົນທະນາຄອບຮອບ 15 ປີແລະປີຮ່ວມມືໄມຕີຈິດຈີນອາຊຽນ, ຝ່າຍຈີນຈະຈັດກອງປະຊຸມສຸດຍອດລະລຶກຈີນອາຊຽນຢູ່ນານນິງເຂດກວາງຊີໃນທ້າຍເດືອນຕຸລາ.
|
|
|
