|
|
 |
| (GMT+08:00)
2006-05-27 18:59:53
|
 |
|
ທ່ານໂລມູຮູນຫວັງໃຫ້ສ.ເກົາຫຼີກັບຈີນເພີ່ມທະວີການຮ່ວມມືຕື່ມອີກ
cri
Author: da
ຕາມຂ່າວສານຊິນຮວາ: ວັນທີ 26 ພຶດສະພາ ຢູ່ທຳນຽບປະທານາທິບໍດີເຊກາໄຕ,ທ່ານໂລມູຮູນ ປະທານາທິບໍດີສ.ເກົາຫຼີໄດ້ພົບປະທ່ານໂປສີ່ໄລ ລັດຖະມົນຕີກະຊວງການຄ້າຈີນ,ທ່ານໂລມູຮູນເວົ້າວ່າ,ເສດຖະກິດຈີນພັດທະນາໄວວາ,ການພົວພັນລະຫວ່າງສ.ເກົາຫຼີກັບຈີນມີໄມຕີຈິດຕໍ່ກັນ,ຫວັງໃຫ້ສອງຝ່າຍເພີ່ມທະວີການຮ່ວມມືກັນຕື່ມອີກ.
ທ່ານໂລມູຮູນເວົ້າວ່າ,ເສດຖະກິດຈີນໄດ້ພັດທະນາຢ່າງບໍ່ຢຸດຢັ້ງແລະໄຂປະຕູໄປສູ່ໂລກນັ້ນ,ແມ່ນມີຜົນດີຕໍ່ສ.ເກົາຫຼີ,ທັງໄດ້ອຳນວຍໂອກາດໃຫ້ສ.ເກົາຫຼີ.ເວົ້າສຳລັບການພັດທະນາຂອງຈີນແລ້ວ,ຝ່າຍສ.ເກົາຫຼີເຫັນວ່າແມ່ນໂອກາດແລະການທ້າທາຍຢູ່ນຳກັນ.ຝ່າຍສ.ເກົາຫຼີຈະພະຍາຍາມແກ້ໄຂບັນຫາຕ່າງໆທີ່ສະກັດກັ້ນການຂະຫຍາຍການພົວພັນທາງເສດຖະກິດການຄ້າລະຫວ່າງສ.ເກົາຫຼີກັບຈີນ,ຊຸກຍູ້ໃຫ້ສອງປະເທດລົງເລິກຮ່ວມມືກັນໃນດ້ານເສດຖະກິດຕື່ມອີກເພື່ອເຮັດໃຫ້ໄດ້ຜົນທັງສອງຝ່າຍ.
ທ່ານໂປສີ່ໄລເວົ້າວ່າ,ຕ້ອງອີງຕາມຜົນຄົ້ນຄວ້າໄລຍະກາງແລະໄກຂອງການຮ່ວມມືທາງເສດຖະກິດການຄ້າລະຫວ່າງຈີນກັບສ.ເກົາຫຼີ,ທັງສອງຝ່າຍລົງເລິກຮ່ວມມືກັນໃນຂົງເຂດກະສິກຳ ເຫຼັກກ້າ ລົດຍົນ ສື່ສານ ຈໍລະຈອນ ວິທະຍາສາດເຕັກນິກແລະປະຢັດພະລັງງານອະນຸລັກສິ່ງແວດລ້ອມເປັນຕົ້ນ,ຊຸກຍູ້ການຄ້າແລະການລົງທຶນໃຫ້ສະດວກກວ່າເກົ່າ.ປະຈຸບັນ,ການຄົ້ນຄວ້າຂອງປະຊາຊົນກ່ຽວກັບເຂດການຄ້າເສລີຈີນສ.ເກົາຫຼີແມ່ນດຳເນີນຕໍ່ມາຢ່າງສະດວກ,ຝ່າຍຈີນຍິນດີພ້ອມກັນກັບຝ່າຍສ.ເກົາຫຼີແລກປ່ຽນກັນຕໍ່ໄປກ່ຽວກັບເລື່ອງນີ້.
|
|
|
