|
|
 |
| (GMT+08:00)
2006-05-29 18:49:06
|
 |
|
ເວທີປາໄສສັງລວມປະຢັດພະລັງງານແລະອະນຸລັກສິ່ງແວດລ້ອມຈີນຍີ່ປຸ່ນໄຂຂຶ້ນຢູ່ໂຕກຽວ
cri
Author: da
ຕາມຂ່າວCRI:ເວທີປາໄສສັງລວມປະຢັດພະລັງງານແລະອະນຸລັກສິ່ງແວດລ້ອມຈີນຍີ່ປຸ່ນຄັ້ງປະຖົມມະເລີກທີ່ຈັດໂດຍຄະນະກຳມະການພັດທະນາແລະປະຕິຮູບຈີນ ກະຊວງການຄ້າຈີນ ກະຊວງອຸດສາຫະກຳເສດຖະກິດຍີ່ປຸ່ນແລະສະມາຄົມເສດຖະກິດຍີ່ປຸ່ນຈີນໄດ້ໄຂຂຶ້ນຢູ່ໂຕກຽວຂອງຍີ່ປຸ່ນໃນວັນທີ 29 ພຶດສະພາ.
ໃນພິທີໄຂງານ ທ່ານນີຄາອີ ໂທຊີຮີໂຣ ລັດຖະມົນຕີກະຊວງອຸດສາຫະກຳເສດຖະກິດຍີ່ປຸ່ນເວົ້າວ່າ,ເສດຖະກິດຈີນພວມເຕີບໂຕຢ່າງວ່ອງໄວ,ບັນຫາສິ່ງແວດລ້ອມແລະບັນຫາຊັບພະຍາກອນໄດ້ກາຍເປັນປັດໄຈສຳຄັນທີ່ກະທົບກະເທືອນການພັດທະນາເສດຖະກິດແລ້ວ.ຍີ່ປຸ່ນໄດ້ທ້ອນໂຮມບົດຮຽນແລະເຕັກນິກຈຳນວນໜຶ່ງໃນດ້ານນີ້,ພ້ອມທັງໄດ້ຮ່ວມມືກັບຈີນໃນຫຼາຍດ້ານ,ຫວັງວ່າການຮ່ວມມືລະຫວ່າງສອງປະເທດໃນພາຍໜ້າຄົບຈະບັນລຸລະດັບສູງໃໝ່.
ທ່ານໂປຊິ່ໄລ ລັດຖະມົນຕີກະຊວງການຄ້າຈີນໄດ້ປະກອບຄຳຄິດຄຳເຫັນວ່າ,ຈີນຍີ່ປຸ່ນໄດ້ມີຄວາມຕາບຈູນກັນທີ່ແຂງແຮງໃນຂົງເຂດປະຢັດພະລັງງານແລະອະນຸລັກສິ່ງແວດລ້ອມ,ການຮ່ວມມືລະຫວ່າງສອງຝ່າຍມີກຳລັງບົ່ມຊ້ອນອັນໃຫຍ່ຫຼວງ.ຫວັງໃຫ້ສອງຝ່າຍຈົ່ງເພີ່ມທະວີການຮ່ວມມືກັນໃນດ້ານປະຢັດພະລັງງານແລະອະນຸລັກສິ່ງແວດລ້ອມຈາກສາມດ້ານຄືລະຫວ່າງລັດຖະບານ ລະຫວ່າງຂະແໜງການ ແລະລະຫວ່າງວິສາຫະກິດຂອງສອງປະເທດ.
|
|
|
