|
ຜູ້ວ່າການທະນາຄານກາງຂອງອິນໂດເນເຊຍເວົ້າວ່າ, ແຜ່ນດິນໄຫວມີຜົນກະທົບບໍ່ແຮງຕໍ່ເສດຖະກິດອິນໂດເນເຊຍ
cri
Author: min
ຕາມຂ່າວສານຊິນຮວາ: ວັນທີ 29 ພຶດສະພາ, ທ່ານບູຮານດິນ ອັບຄຸນລາ ຜູ້ວ່າການທະນາຄານກາງຂອງອິນໂດເນເຊຍເວົ້າວ່າ, ແຜ່ນດິນໄຫວທີ່ເກີດຂຶ້ນຢູ່ເຂດໂຢຢາຄາທາແຂວງຊາວາກາງ ອິນໂດເນເຊຍໃນຫວ່າງມໍ່ໆນີ້ມີຄວາມອາດເປັນໄປໄດ້ບໍ່ຫຼາຍທີ່ຈະເກີດຜົນກະທົບອັນຮ້າຍແຮງຕໍ່ເສດຖະກິດຂອງອິນໂດເນເຊຍ.
ທ່ານບູຮານດິນເວົ້າວ່າ, ແນ່ນອນແລ້ວ, ໄພແຜ່ນດິນໄຫວຈະກະທົບກະເທືອນເຖິງຄາດໝາຍເຕີບໂຕທາງເສດຖະກິດປີນີ້ທີ່ທະນາຄານກາງອິນໂດເນເຊຍໄດ້ວາງໄວ້, ແຕ່ຜົນກະທົບກວມລວມຕໍ່ເສດຖະກິດອິນໂດເນເຊຍຈະບໍ່ແຮງປານໃດ. ທ່ານຍັງເວົ້າວ່າ, ໃນ 6 ເດືອນທ້າຍປີນີ້, ອິນໂດເນເຊຍຈະໃຊ້ມາດຕະການຫຼາຍຢ່າງກະຕຸກໃຫ້ເສດຖະກິດເຕີບໂຕ, ເພື່ອຕາບຈູນຜົນສະທ້ອນດ້ານລົບທີ່ແຜ່ນດິນໄຫວນຳມາໃຫ້ເສດຖະກິດ.
ບຸກຄົນວິເຄາະຄາດຄະແນວ່າ, ຄ່າໃຊ້ຈ່າຍເພື່ອສ້າງສາຄືນໃໝ່ຫຼັງແຜ່ນດິນໄຫວຄາດວ່າຈະຢູ່ໃນປະມານ 100 ລ້ານໂດລາສະຫະລັດ.
|
|
