|
|
 |
| (GMT+08:00)
2006-05-30 16:05:23
|
 |
|
ນາຍົກລັດຖະມົນຕີມາເລເຊຍຮຽກຮ້ອງໃຫ້ຂະບວນການບໍ່ຮ່ວມກຸ່ມຮັບມືກັບການທ້າທາຍຫຼາຍຢ່າງ
cri
Author: mo
ຕາມຂ່າວສານຊີນຮວາ: ວັນທີ 29 ພຶດສະພາ, ກອງປະຊຸມຂັ້ນລັດຖະມົນຕີຂອງກົມປະສານງານຂະບວນການບໍ່ຮ່ວມກຸ່ມໄດ້ໄຂຂຶ້ນຢູ່ມາເລເຊຍ. ໃນເວລານັ່ງເປັນປະທານໄຂກອງປະຊຸມ, ທ່ານບາດາວີ ນາຍົກລັດຖະມົນຕີມາເລເຊຍ ປະເທດປະທານວຽນຂອງກອງປະຊຸມສຸດຍອດຂະບວນການບໍ່ຮ່ວມກຸ່ມເວົ້າວ່າ, ຂະບວນການບໍ່ຮ່ວມກຸ່ມແລະປະເທດພວມພັດທະນາຕ້ອງໃຊ້ມາດຕະການອັນບັງເກີດຜົນ, ເພື່ອຮັບມືກັບການທ້າທາຍໃນດ້ານຕ່າງໆເຊັ່ນ ການເມືອງ ຄວາມປອດໄພ ເສດຖະກິດ ແລະການຕໍ່ສູ້ກັບລັດທິກໍ່ການຮ້າຍສາກົນເປັນຕົ້ນ.
ທ່ານບາດາວີຍັງກ່າວວ່າ, ຂະບວນການບໍ່ຮ່ວມກຸ່ມຕ້ອງຊອກຫາຈຸດກ້ຳເກິ່ງກັນໃນລະຫວ່າງຜົນປະໂຫຍດກວມລວມກັບຜົນປະໂຫຍດຂອງບັນດາປະເທດສະມາຊິກ. ທ່ານກ່າວເນັ້ນວ່າ, ຂະບວນການບໍ່ຮ່ວມກຸ່ມຍັງຄົງແມ່ນແນວໜ້າຂອງປະເທດພວມພັດທະນາໃນການຍາດແຍ່ງສ້າງໂລກທີ່ຍຸດຕິທຳ ສະເໝີພາບແລະສັນຕິພາບກວ່າເກົ່າ.
ທ່ານອານນານ ເລຂາທິການໃຫຍ່ສະຫະປະຊາຊາດໄດ້ຜ່ານຜູ້ຕາງໜ້າຂອງທ່ານກ່າວຄຳປາໄສໃນກອງປະຊຸມວ່າ, ປັດຈຸບັນ, ເປົ້າໝາຍພື້ນຖານຂອງຂະບວນການບໍ່ຮ່ວມກຸ່ມທີ່ຢາກອອກສຽງຂອງປະເທດພວມພັດທະນາ, ແລະສຸມກຳລັງເຂົ້າໃນການຊຸກຍູ້ສ້າງລະບຽບສາກົນທີ່ທ່ຽງທຳແລະມີປະຊາທິປະໄຕນັ້ນຍັງຖືກຕ້ອງຢູ່.
ທ່ານອານນານຍັງກ່າວວ່າ, ໃນເວລາສຸມກຳລັງເຂົ້າໃນການບຳບັດຄວາມທຸກຍາກ, ສະກັດກັ້ນລັດທິກໍ່ການຮ້າຍແລະການແຜ່ຜາຍອາວຸດລ້າງຜານຂະໜາດໃຫຍ່ນັ້ນ, ສະຫະປະຊາຊາດຕ້ອງການການສະໜັບສະໜູນຈາກປະເທດຂະບວນການບໍ່ຮ່ວມກຸ່ມ.
|
|
|
