|
ສປປເກົາຫລີເຊື້ອເຊີນຫົວຫນ້າຄະນະຜູ່ແທນອາເມລິກາຂອງການເຈລະຈາຫົກຝ່າຍກ່ຽວກັບບັນຫານິວເຄຼຍແຫລມເກົາຫລີ,ຝ່າຍອາເມລິກາປະຕິເສດ
cri
Author: sayvanny
ຕາມຂ່າວສານຊີນຮວາ: ວັນທີ 1 ມິຖຸນາ,ຢູ່ພຽງຢາງ,ໂຄສົກກະຊວງການຕ່າງປະເທດແຫ່ງສປປເກົາຫລີໃຫ້ສຳພາດ,ເຊື້ອເຊີນທ່ານຮີວ ຫົວຫນ້າຄະນະຜູ່ແທນຝ່າຍອາເມລິກາທີ່ເຂົ້າຮ່ວມການເຈລະຈາຫົກຝ່າຍກ່ຽວກັບບັນຫານິວເຄຼຍແຫລມເກົາຫລີ,ເພື່ອຫາລືບັນຫາທີ່ຈັດການເຈລະຈາຫົກຝ່າຍຄືນໃຫມ່.ແຕ່ອາເມລິກາໄດ້ປະຕິເສດບໍ່ຮັບຮອງ.
ໂຄສົກກະຊວງການຕ່າງປະເທດແຫ່ງສປປເກົາຫລີເວົ້າວ່າ, ທະແນມແຕ່ອາເມລິກາບໍ່ຖືສປປເກົາຫລີເປັນສັດຕູ,ແລ້ວສ້າງການພົວພັນໄວ້ເນື້ອເຊື່ອໃຈກັນຢູ່ລະຫວ່າງສປປເກົາຫລີກັບອາເມລິກາ, ສປປເກົາຫລີຮູ້ສຶກວ່າບໍ່ຖືກຂົ່ມຂູ່ອີກ, ສປປເກົາຫລີກໍ່ຈະບໍ່ຮັກສາອາວຸດນິວເຄຼຍໃດໆໄວ້.
ໃນງານຖະແຫລງຂ່າວທີ່ຈັດຂຶ້ນຢູ່ວໍຊິງຕັນໃນວັນທີ 1 ມິຖຸນາ, ທ່ານສໂນ ໂຄສົກທຳນຽບຂາວອາເມລິກາເວົ້າວ່າ,ອາເມລິກາຈະບໍ່ເຈລະຈາສອງຕໍ່ສອງກັບລັດຖະບານສປປເກົາຫລີ,ອາເມລິກາຍຶດຫມັ້ນເຫັນວ່າການເຈລະຈາກ່ຽວກັບບັນຫານິວເຄຼຍແຫລມເກົາຫລີຄວນດຳເນີນໄປພາຍໃນຂອບການເຈລະຈາຫົກຝ່າຍ.
|
|
