|
ທ່ານອານນານກ່າວຄຳປາໄສຕໍ່ປະຊາຊົນຕີມໍຕາເວັນອອກໂດຍທາງວິທະຍຸ ກະຈາຍສຽງ ຮຽກຮ້ອງໃຫ້ສາມັກຄີກັນ
cri
Author: min
ຕາມຂ່າວ CRI: ວັນທີ 1 ມິຖຸນາ, ທ່ານອານນານ ເລຂາທິການໃຫຍ່ອົງການສະຫະປະຊາຊາດໄດ້ກ່າວຄຳປາໄສຕໍ່ປະຊາຊົນຕີມໍຕາເວັນອອກໂດຍທາງວິທະຍຸກະຈາຍສຽງ, ຮຽກຮ້ອງໃຫ້ມວນຊົນຕີມໍຕາເວັນອອກເພີ່ມທະວີຄວາມສາມັກຄີ, ປົກປັກຮັກສາສັນຕິພາບ, ປະຊາທິປະໄຕແລະອິດສະຫຼະພາບທີ່ຍາດມາໄດ້ດ້ວຍຄວາມລຳບາກ.
ໃນຄຳປາໄສ, ທ່ານອານນານເວົ້າວ່າ, ໃນຫຼາຍອາທິດທີ່ຜ່ານມາ, ສະຖານະການການເມືອງຕີມໍຕາເວັນອອກເຄັ່ງຕຶງຫຼາຍ, ການເຄື່ອນໄຫວຮຸນແຮງດຸເດືອດກວ່າເກົ່າ, ພາໃຫ້ເກີດຜົນຮ້າຍອັນເປັນໜ້າສັງເວດ. ຄົນທັງຫຼາຍຕ້ອງສຳນຶກສາເຫດທີ່ພາໃຫ້ເກີດກຳລັງຮຸນແຮງຄືນໃໝ່ອີກ, ສະກັດກັ້ນເຈດຕະນາໃດໆທີ່ຖຶ ສາສະໜາ, ຊົນເຜົ່າແລະເຂດແຄ້ວນເປັນຂໍ້ອ້າງກໍ່ການແບ່ງແຍກ.
ທ່ານອານນານຍັງເຕືອນໃຫ້ກອງປ້ອງກັນຄວາມສະຫງົບຂອງຕີມໍຕາເວັນອອກຕ້ອງປະຕິບັດໜ້າທີ່ຮັບຜິດຊອບ, ປົກປັກຮັກສາລັດຖະທຳມະນູນແລະລະບອບກົດໝາຍ, ພ້ອມທັງຮຽກຮ້ອງໃຫ້ທົ່ວປວງຊົນສະໜັບສະໜູນມາດຕະການສຸກເສີນທີ່ປະກາດໃນວັນທີ 30 ພຶດສະພາ.
|
|
