|
ທ່ານໂປຊີລາຍເວົ້າວ່າ, ການປົກປ້ອງສິດຊັບສິນທາງປັນຍາແມ່ນຄວາມຕ້ອງການໃນຕົວຂອງການພັດທະນາເສດຖະກິດຂອງຈີນ
cri
Author: MO
ຕາມຂ່າວສານຊີນຮວາ: ຫວ່າງມໍ່ໆນີ້, ໃນກອງປະຊຸມລັດຖະມົນຕີກະຊວງການຄ້າຂອງອົງການອາເປັກທີ່ຈັດຂຶ້ນຢູ່ນະຄອນໂຮຈີ່ມີ່ນແຫ່ງຫວຽດນາມ, ທ່ານໂປຊີລາຍ ລັດຖະມົນຕີກະຊວງການຄ້າຈີນໄດ້ກ່າວຄຳປາໄສກ່ຽວກັບການປົກປ້ອງສິດຊັບສິນທາງປັນຍາຂອງຈີນ, ທ່ານເວົ້າວ່າ, ລັດຖະບານຈີນເອົາໃຈໃສ່ໃນລະດັບສູງຕໍ່ການປົກປ້ອງສິດຊັບສິນທາງປັນຍາ, ນີ້ບໍ່ແມ່ນຍ້ອນກຳລັງໜີບຈາກພາຍນອກ, ຫາກແມ່ນຄວາມຕ້ອງການໃນຕົວຂອງການພັດທະນາເສດຖະກິດຂອງຈີນ.
ທ່ານໂປຊີລາຍເວົ້າວ່າ, ຈີນພວມອອກແຮງສ້າງປະເທດແບບປະດິດສ້າງໃໝ່, ໃນ 10 ຫາ 20 ປີຂ້າງໜ້ານີ້, ຈີນຈະມີສິດຊັບສິນທາງປັນຍາທີ່ເປັນເຈົ້າຕົນເອງແລະຍີ່ຫໍ້ທີ່ເປັນເຈົ້າຕົນເອງນັບມື້ນັບຫຼາຍ, ທັງໝົດເຫຼົ່ານີ້ລ້ວນແຕ່ຕ້ອງການການປົກປ້ອງຢ່າງແທ້ຈິງ. ເພື່ອເລື່ອງນີ້, ຈີນໄດ້ໃຊ້ການເຄື່ອນໄຫວຢ່າງເປັນລະບົບ, ເຊັ່ນໄດ້ເພີ່ມທະວີການສ້າງກົດໝາຍປົກປ້ອງສິດຊັບສິນທາງປັນຍາແລະການປະຕິບັດກົດໝາຍທາງດ້ານການບໍລິຫານ; ໄດ້ວາງແຜນການດຳເນີນງານປົກປ້ອງສິດຊັບສິນທາງປັນຍາຂອງຈີນປີ 2006 ເປັນຕົ້ນ.
|
|
