|
|
 |
| (GMT+08:00)
2006-06-05 15:16:13
|
 |
|
ອິນໂດເນເຊຍກ່າວວ່າຍິນດີສະໜອງຄວາມຊ່ອຍເຫຼືອໃຫ້ຕີມໍຕາເວັນອອກ
cri
Author: da
ຕາມຂ່າວສານຊິນຮວາ:ວັນທີ 5 ມິຖຸນາ ສື່ມວນຊົນອິນໂດເນເຊຍໄດ້ນຳເອົາຄຳເວົ້າຂອງທ່ານອາໂກງ ລັກໂຊໂນ ປະທານລັດຖະສະພາອິນໂດເນເຊຍມາແຈ້ງວ່າ,ຖ້າວ່າລັດຖະບານຕີມໍຕາເວັນອອກຮ້ອງຂໍຄວາມຊ່ອຍເຫຼືອຂອງອິນໂດເນເຊຍແລ້ວ,ອິນໂດເນເຊຍຍິນດີສະໜອງຄວາມຊ່ອຍເຫຼືອໃຫ້ຕີມໍຕາເວັນອອກ.
ວັນທີ 3 ມິຖຸນາ ໜັງສືພິມທຸລະກິດຂອງອິນໂດເນເຊຍນຳເອົາຄຳເວົ້າຂອງທ່ານອາໂກງມາແຈ້ງວ່າ,ເຫດການວຸ້ນວາຍຢູ່ຕີມໍຕາເວັນອອກແມ່ນເລື່ອງພາຍໃນຂອງຕີມໍຕາເວັນອອກ,ອິນໂດເນເຊຍຈະບໍ່ແຊກແຊງ,ແຕ່ລັດຖະບານອິນໂດເນເຊຍບໍ່ຢາກໄດ້ເຫັນປະເທດໃກ້ຄຽງຂອງຕົນເກີດບັນຫາ,ສະນັ້ນຈຶ່ງຫວັງໃຫ້ສົງຄາມທາງເມືອງຂອງຕີມໍຕາເວັນອອກສາມາດສິ້ນສຸດລົງໂດຍໄວເທົ່າທີ່ຈະໄວໄດ້.ທ່ານເວົ້າວ່າ,ຖ້າວ່າລັດຖະບານຕີມໍຕາເວັນອອກຮ້ອງຂໍຄວາມຊ່ອຍເຫຼືອຂອງອິນໂດເນເຊຍແລ້ວ,ອິນໂດເນເຊຍຍິນດີສະໜອງຄວາມຊ່ອຍເຫຼືອໃຫ້ຕີມໍຕາເວັນອອກ.
ນອກນີ້ຂ່າວແຈ້ງວ່າ,ໃຕ້ຜົນສະທ້ອນຈາກເຫດການວຸ້ນວາຍ,ລັດຖະບານອິນໂດເນເຊຍໄດ້ຖອນຊາວຕ່າງດ້າວປະມານ 1400 ຄົນອອກຈາກຕີມໍຕາເວັນອອກ,ປະຈຸບັນຍັງມີຊາວອິນໂດເນເຊຍປະມານ 500 ຄົນຢູ່ອິນໂດເນເຊຍ.ເຂດຊາຍແດນຢູ່ພາກຕາເວັນຕົກຂອງອິນໂດເນເຊຍກັບຕີມໍຕາເວັນອອກໄດ້ປິດແຕ່ວັນທີ 26 ພຶດສະພາເປັນຕົ້ນມາ.
|
|
|
