ຕາມຂ່າວcri:ໃນຕອນທ່ຽງຄືນວັນທີ5ມິຖຸນາ,ຢູ່ທີ່ຣາມາລາ,ເຈົ້າໜ້າທີ່ອົງການອານຟາຕາປະກາດວ່າ,ກອງປະຊຸມສົນທະນາລະຫວ່າງຝ່າຍຕ່າງໆຂອງປາເລັສຕິນທີ່ຈັດຂຶ້ນໃນຕອນຄ່ຳມື້ດຽວກັນໄດ້ລົ້ມແຫຼວ,ຝ່າຍຕ່າງໆທີ່ຮ່ວມປະຊຸມບໍ່ໄດ້ກ້າວເຖິງຂັ້ນເປັນເອກະສັນກັນກ່ຽວກັບ"ສັນຍາໃນຄຸກ",ທ່ານອັບບາສ ປະທານອົງການອຳນາດແຫ່ງຊາດປາເລັສຕິນຈະເອົາປະຊາມະຕິທົ່ວປວງຊົນກ່ຽວກັບສັນຍາດັ່ງກ່າວ.
ນອກນີ້,ບຸກຄົນໃນຫ້ອງການທ່ານອັບບາສເວົ້າວ່າ,ວັນທີ6ມິຖຸນາ,ທ່ານອັບບາສຈະຈັດກອງປະຊຸມກັບຄະນະບໍລິຫານງານອົງການປົດປ່ອຍປາເລັສຕິນແລະຄະນະພັກຕ່າງໆຂອງຄະນະກຳມະການນິຕິບັນຍັດປາເລັສຕິນ,ຫຼັງຈາກນັ້ນຈະຕົກລົງວັນເອົາປະຊາມະຕິທົ່ວປວງຊົນ.
ຕອນເຊົ້າມື້ດຽວກັນ,ທ່ານອັບບາສໄດ້ກ່າວຄຳປາໄສຢູ່ຣາມາລາ,ກ່າວວ່າ,ຈະບໍ່ດັດແກ້ຫຼືປັບປຸງ"ສັນຍາໃນຄຸກ".
ມື້ດຽວກັນ,ຢູ່ທີ່ກາຊາ,ໂຄສົກອົງການຮາມາສໄດ້ກ່າວປະນາມຝ່າຍທີ່ກ່ຽວຂ້ອງຕັ້ງໃຈທຳລາຍກອງປະຊຸມສົນທະນາ.ທ່ານກ່າວວ່າ,ເຖິງວ່າກອງປະຊຸມບໍ່ໄດ້ກ້າວເຖິງເປັນເອກະສັນກັນ,ແຕ່ອົງການຮາມາສກໍຍັງຫວັງໃຫ້ບັນດາຝ່າຍທີ່ກ່ຽວຂ້ອງສົນທະນາກັນຕໍ່ໄປ.
|