|
|
 |
| (GMT+08:00)
2006-06-06 16:32:33
|
 |
|
ເວທີປາໄສຮ່ວມມືທາງເສດຖະກິດການຄ້າຈີນຟີລິບປິນຈັດຂຶ້ນຢູ່ມານີລາຢ່າງຄຶກຄື້ນ
cri
Author: da
ຕາມຂ່າວຂອງກະຊວງການຄ້າຈີນ: ເວທີປາໄສຮ່ວມມືທາງເສດຖະກິດການຄ້າຈີນຟີລິບປິນໄດ້ຈັດຂຶ້ນຢູ່ມານີລາ ນະຄອນຫຼວງຟີລິບປິນໃນວັນທີ 5 ມິຖຸນາຢ່າງຄຶກຄື້ນ.ເວທີປາໄສຄັ້ງນີ້ແມ່ນເວທີປາໄສເສດຖະກິດການຄ້າທີ່ມີຂະໜາດໃຫຍ່ກວ່າຍາມໃດໝົດແລະລະດັບສູງກວ່າຍາມໃດໝົດລະຫວ່າງສອງປະເທດໃນປະຫວັດສາດ.
ໃນພິທີໄຂງານ ທ່ານນາງອາໂລໂຢ ປະທານາທິບໍດີຟີລິບປິນໄດ້ກ່າວຄຳປາໄສຢືນຢັນຢ່າງເຕັມສ່ວນເຖິງໝາກຜົນອັນໃຫຍ່ຫຼວງລະຫວ່າງຈີນກັບຟີລິບປິນໃນການຮ່ວມມືທາງເສດຖະກິດການຄ້າໃນບໍ່ເທົ່າໃດປີມານີ້,ແລະສະແດງຄວາມໝັ້ນໃຈອັນເຕັມທີ່ຕໍ່ການຂະຫຍາຍຕົວແຫ່ງການພົວພັນທາງເສດຖະກິດການຄ້າລະຫວ່າງສອງປະເທດໃນອະນາຄົດ.
ໃນກອງປະຊຸມ ທ່ານໂປຊີ່ລາຍ ລັດຖະມົນຕີກະຊວງການຄ້າຈີນໄດ້ກ່າວສະແດງວ່າ,ການຮ່ວມມືທາງເສດຖະກິດການຄ້າລະຫວ່າງຈີນຟີລິບປິນພັດທະນາຢ່າງວ່ອງໄວ,ຍອດມູນຄ່າການຄ້າລະຫວ່າງສອງປະເທດໃນປີກາຍນີ້ໄດ້ບັນລຸ 17 ຕື້ 600 ລ້ານໂດລາ,ເພີ່ມຂຶ້ນ 270 ກວ່າເທົ່າເມື່ອປຽບທຽບກັບເວລາສອງປະເທດສ້າງສາຍສຳພັນການທູດ,ນີ້ແມ່ນເຫັນຍາກໃນປະຫວັດການຄ້າຂອງໂລກ.
ຫຼັງຈາກພິທີໄຂງານອັດລົງແລ້ວ,ຈີນກັບຟີລິບປິນໄດ້ເຊັນບົດບັນທຶກຊ່ອຍຈຳກ່ຽວກັບຈີນຟີລິບປິນສ້າງການພົວພັນໝູ່ຄູ່ເສດຖະກິດ.ບົດບັນທຶກໄດ້ຕົກລົງໃນເບື້ອງຕົ້ນວ່າ ຂົງເຂດພື້ນຖານໂຄງລ່າງ ບໍ່ແຮ່ ກະສິກຳແລະການທ່ອງທ່ຽວເປັນຕົ້ນເປັນຂົງເຂດຈຸດໜັກຂອງການຮ່ວມມືທາງເສດຖະກິດການຄ້າລະຫວ່າງຈີນກັບຟີລິບປິນໃນ 5 ປີຂ້າງໜ້າ.
|
|
|
