|
|
 |
| (GMT+08:00)
2006-06-11 17:27:09
|
 |
|
ທ່ານຈິ່ນເຢິນຊິ້ງລົມເລື່ອງໝາກຜົນຂອງງານສົນທະນາລະຫວ່າງລັດຖະມົນຕີກະຊວງການເງິນຂອງກຸ່ມ 8 ປະເທດກັບຈີນ
cri
Author: MO
ຕາມຂ່າວສານຊີນຮວາ: ວັນທີ 10 ມິຖຸນາ, ຫຼັງຈາກເຂົ້າຮ່ວມງານສົນທະນາຂອງລັດຖະມົນຕີກະຊວງການເງິນ 6 ປະເທດລະຫວ່າງກຸ່ມ 8 ປະເທດກັບຈີນທີ່ຈັດຂຶ້ນຢູ່ແຊງເປເຕີບວກແຫ່ງຣັດເຊຍແລ້ວ, ທ່ານຈິ່ນເຢິນຊິ້ງ ລັດຖະມົນຕີກະຊວງການເງິນຈີນກ່າວວ່າ, ງານສົນທະນາເທື່ອນີ້ແມ່ນການກະກຽມເພື່ອໄຂກອງປະຊຸມຜູ້ນຳປະເທດພວມພັດທະນາເຊັ່ນກຸ່ມ 8 ປະເທດກັບຈີນທີ່ຈະຈັດຂຶ້ນຢູ່ແຊງເປເຕີບວກໃນເດືອນກໍລະກົດປີນີ້.
ທ່ານຈິ່ນເຢິນຊິ້ງເວົ້າວ່າ, ໃນໄລຍະເຂົ້າຮ່ວມງານສົນທະນາ, ທ່ານໄດ້ແຍກອອກຈັດການພົບປະສອງຕໍ່ສອງກັບລັດຖະມົນຕີກະຊວງການເງິນຂອງຣັດເຊຍ ອາເມລິກາ ເຢຍລະມັນແລະເນເຊເລຍ. ນອກນີ້, ລັດຖະມົນຕີກະຊວງການເງິນຂອງສາມປະເທດຄືຈີນ ເບຼຊິນແລະອິນເດຍຍັງໄດ້ຫາລືກັນເປັນຄັ້ງທຳອິດກ່ຽວກັບບັນຫາຕ່າງໆເຊັ່ນ: ເພີ່ມທະວີການສົນທະນາລະຫວ່າງປະເທດພວມພັດທະນາກັບກຸ່ມ 7 ປະເທດຝ່າຍຕາເວັນຕົກແລະກຸ່ມ 8 ປະເທດ. ທ່ານກ່າວເນັ້ນວ່າ, ການສົນທະນາເຫຼົ່ານີ້ລ້ວນແຕ່ແມ່ນພາກສ່ວນປະກອບຂອງການທູດເສດຖະກິດທົ່ວໂລກຂອງຈີນແລະຍຸດທະສາດທົ່ວໂລກຂອງຈີນ, ມີຄວາມໝາຍສຳຄັນຕໍ່ການສະແດງໃຫ້ເຫັນບົດບາດຂອງຈີນໃນເສດຖະກິດທົ່ວໂລກ.
|
|
|
