|
|
 |
| (GMT+08:00)
2006-06-11 19:55:20
|
 |
|
ການແຂ່ງຂັນບານແຕະຊິງຂັນໂຣກມື້ທີ 2 ສ້ຽງສຸດລົງ
cri
Author: min
ຕາມຂ່າວ CRI: ຕອນຂ້ອນແຈ້ງວັນທີ 11 ມິຖຸນາເວລາປັກກິ່ງ, ການແຂ່ງຂັນບານແຕະຊິງຂັນໂຣກເຢຍລະມັນປີ 2006 ຮອບທີ 3 ໃນມື້ທີ 2 ໄດ້ສິ້ນສຸດລົງ.
ໃນການແຂ່ງຂັນຮອບທຳອິດຂອງຈຸ B ທີ່ດຳເນີນກ່ອນເພິ່ນ, ທິມອັງກິດໄດ້ຊະນະທິມປາລາກວາຍດ້ວຍຄະແນນ 1 ຕໍ່ 0. ຫຼັງຈາກນັ້ນ, ໄດ້ດຳເນີນການແຂ່ງຂັນຮອບທີ 2 ຂອງຈຸ B, ທິມຕຼິນີດາແລະໂຕບາໂກໄດ້ສະເໝີກັບທິມຊູແອັດໃຕ້ສະພາບທີ່ຖືກໄໝອອກຈາກການແຂ່ງຂັນຜູ້ໜຶ່ງ. ເມື່ອການແຂ່ງຂັນຮອບນີ້ສ້ຽງສຸດລົງ, ທິມອັງກິດໄດ້ 3 ຄະແນນ, ແມ່ນທີ 1 ໃນຈຸ B ຊົ່ວຄາວ.
ການແຂ່ງຂັນຮອບສຸດທ້າຍໃນມື້ນັ້ນແມ່ນທິມອັກຊັງຕີນສູ້ກັບທິມກົດດີວົວໃນຈຸ C ສຸດທ້າຍ, ທິມອັກຊັງຕີນຊະນະດ້ວຍຄະແນນ 2 ຕໍ່ 1.
ການແຂ່ງຂັນບານແຕະຊິງຂັນໂຣກຈະກ້າວເຂົ້າໃນການແຂ່ງຂັນມື້ທີ 3 ໃນຕອນຄ່ຳມື້ນີ້. ການແຂ່ງຂັນ 3 ຮອບນີ້ກໍຄືທິມໂຮນລັງສູ້ກັບທິມແຊກບີມົງເຕເນໂກຼຂອງຈຸ Cແລະທິມແມັກຊິກສູ້ກັບທິມອີຣານແລະທິມອັງໂກລາສູ້ກັບທິມປອກຕຸຍການໃນຈຸ D.
|
|
|
