|
ຕາມຂ່າວ CRI: ເພື່ອລະລຶກສະຫະພັນຖົງເໝິງຈີນສາຂາສິງກະໂປສ້າງຕັ້ງຂຶ້ນຄົບຮອບ 100 ປີ, ວັນທີ 12 ມິຖຸນາ, "ງານສຳມະນາສາກົນສະຫະພັນຖົງເໝິງ ທ່ານຊຸນຢັດຊຽນກັບຊາວຈີນທີ່ອາໄສຢູ່ອາຊີອາຄະເນ" ເຊິ່ງແມ່ນສະມາຄົມຊາວຈີນທີ່ອາໄສຢູ່ສິງກະໂປແລະຫໍລະລຶກທ່ານຊຸນຢັດຊຽນໜານຢາງຮ່ວມເປັນເຈົ້າພາບນັ້ນ ໄດ້ຈັດຂຶ້ນຢູ່ທີ່ສິງກະໂປ.
ທ່ານລຽນຈ້ານ ປະທານກິດຕິມະສັກພັກກົກມິນຕັງຈີນໄດ້ເຂົ້າຮ່ວມງານສຳມະນາຕາມຄຳເຊີນ, ໃນເວລາກ່າວປາຖະກະຖາ, ທ່ານກ່າວວ່າ, ສັນຕິພາບ ປອງດອງກັນແລະຮ່ວມມືກັນແມ່ນແງ່ຂະຫຍາຍທີ່ຕ້ອງເປັນໄປ. ພວກຂ້າພະເຈົ້າຈະຊຸກຍູ້ເປົ້າໝາຍອັນທີ່ວ່າ "ລັດທິແບ່ງແຍກ" "ເຈດຈຳນົງແບ່ງແຍກ" ໂດຍຖືຄວາມໂສກເສົ້າແຫ່ງປະຫວັດສາດເປັນຂໍ້ອ້າງແລະເປັນຄັນຕາລະບັດນັ້ນບໍ່ໄດ້ຢ່າງເດັດຂາດ.
ໃນງານສຳມະນາ, ທ່ານເຢັວຢົງບອນ ທີ່ປຶກສາກິດຕິມະສັກຫໍລະລຶກທ່ານຊຸນຢັດຊຽນໜານຢາງສິງກະໂປ ລັດຖະມົນຕີກະຊວງການຕ່າງປະເທດສິງກະໂປໄດ້ກ່າວຄຳປາໄສວ່າ, ເລີ່ມແຕ່ຫົວທີ, ສິງກະໂປກໍປະຕິບັດນະໂຍບາຍຈີນດຽວ, ນະໂຍບາຍນີ້ໄດ້ສ່ອງແສງໃຫ້ເຫັນຈິດອາລົມປະຫວັດສາດຂອງປະຊາຊົນສິງກະໂປ, ແລະຕົວສະແດງຂອງພວກເຂົາເຈົ້າໃນປະຕິວັດຂອງຈີນ. ພວກຂ້າພະເຈົ້າເອົາໃຈໃສ່ຢ່າງໃກ້ຊິດຕໍ່ການພັດທະນາຂອງສອງຝັ່ງ. ຊົມເຊີຍຈີນແຜ່ນດິນໃຫຍ່ກັບໄຕ້ຫວັນແລກປ່ຽນກັນຢ່າງເນື່ອງນິດ.
ຜູ່ຊ່ຽວຊານ ນັກປາດແລະບຸກຄົນວົງການຕ່າງໆປະມານ 300 ຄົນທີ່ມາຈາກແຜ່ນດິນໃຫຍ່ ໄຕ້ຫວັນຂອງຈີນແລະສິງກະໂປໄດ້ເຂົ້າຮ່ວມງານສຳມະນາເທື່ອນີ້.
|
