ຕາມ​ຂ່າວສານ​ຊິນ​ຮວາ:ວັນ​ທີ13 ມິ​ຖຸນາ,ຝ່າຍ​ຕຳຫຼວດ​ອີຣັກກ່າວ​ວ່າ,ມື້​ດຽວ​ກັນ,ຢູ່ກີ​ຄູກ ເມືອງ​ນ້ຳມັນ​ເຊື້ອ​ໄຟສຳຄັນ​ທີ່ຢູ່ພາກ​​ເໜືອ​​ອີ​ຣັກ​ເກີດ​ເຫດການ​ລະ​ເບີດ​ສອງ​​ເທື່ອ,​ເຮັດ​ໃຫ້15ຄົນ​ຕາຍ​,26ຄົນ​ບາດ​ເຈັບ​​ເປັນຢ່າງ​ໜ້ອຍ.

ຝ່າຍ​ຕຳຫຼວດ​ກ່າວ​ວ່າ,ລະຫວ່າງ7​ໂມງ​ເຄິ່ງຂອງຕອນ​ເຊົ້າ​ມື້​ດຽວ​ກັນ,ໃນ​ຕະຫຼາດ​ຂອງ​ເຂດ​ມຸສລິ​ມນິກາຍ​ຊີ​ອີດ​ແຫ່ງ​ໜຶ່ງ​ຂອງ​ເມືອງ​ກີ​ຄູກ​ເກີດ​ເຫດການລະ​ເບີດ,​ເຮັດ​ໃຫ້13ຄົນ​ຕາຍ,18ຄົນ​ບາດ​ເຈັບ​ເປັນ​ຢ່າງ​ໜ້ອຍ.​ໃນຜູ້​ຕາຍມີຕຳຫຼວດສອງ​ຄົນ.

ຫຼັງ​ຈາ​ກນັ້ນປະມານເຄິ່ງຊົ່ວ​ໂມງ​​ ​ແລ້ວ,ຢູ່​ປາກ​ປະຕູ​​ກົມ​ໃຫຍ່​ຕຳຫຼວດ​​ແຫ່ງ​ນັ້ນ​ໄດ້​ເກີດ​ເຫດການ​ລະ​ເບີດ​ລົດ​ຍົນ​ແບບ​ສະຫຼະ​ຊີບອີກ,​ເຮັດ​ໃຫ້​ຕຳຫຼວດ2ຄົນ​ຕາຍ,ສາມັນ​ຊົນ8ຄົນ​ບາດ​ເຈັບ.