|
ຕາມຂ່າວສານຊິນຮວາ:ວັນທີ15 ມິຖຸນາ,ທ່ານອາລີ ອາຟນີ ຜູ້ຊ່ອຍລັດຖະມົນຕີກະຊວງການຕ່າງປະເທດເອຢິບທີ່ຮັບຜິດຊອບວຽງງານອາຊີກ່າວວ່າ,ຝ່າຍເອຢິບຄອງຄ່ອຍທ່ານເວິ່ນເຈ່ຍປາວ ນາຍົກລັດຖະມົນຕີຈີນຈະຢ້ຽມຢາມເອຢິບໃນໄວໆນີ້,ການຢ້ຽມຢາມຂອງທ່ານນາຍົກລັດຖະມົນຕີເວິ່ນເຈຍປາວຈະເພີ່ມພະລັງແຮ່ມແຮງໃໝ່ໃຫ້ການພັດທະນາຂອງການພົວພັນຮ່ວມມືຍຸດທະສາດລະຫວ່າງສອງປະເທດ.
ທ່ານອາຟນີກ່າວວ່າ,ໃນໂອກາດເອຢິບຈີນສ້າງສາຍສຳພັນການທູດຄົບຮອບ50ປີ,ທ່ານນາຍົກລັດຖະມົນຕີເວິ່ນເຈຍປາວຢ້ຽມຢາມເອຢິບໄດ້ສະແດງວ່າຝ່າຍຈີນເອົາໃຈໃສ່ນຳການພົວພັນລະຫວ່າງເອຢິບຈີນໃນລະດັບສູງ.ຂະນະດຽວກັນ,ທ່ານກ່າວເນັ້ນວ່າ,ການຮ່ວມມືພັດທະນາລະຫວ່າງເອຢິບຈີນມີຄວາມບົ່ມຊ້ອນອັນມະຫາສານ,ຫວັງໃຫ້ຝ່າຍຈີນໄດ້ລົງທຶນຢູ່ເອຢິບໃຫ້ຫຼາຍ.ທ່ານຮາຟນີຍັງເຜີຍໃຫ້ຮູ້ວ່າ,ສອງປະເທດຈະຕັ້ງວິສາຫະກິດຮ່ວມທຶນຫຼາຍແຫ່ງຢູ່ເອຢິບໃນພາຍໜ້າບໍ່ດົນນີ້,ຕອບສະໜອງຄວາມຕ້ອງການຂອງຕະຫຼາດຂອງເອຢິບແລະສົ່ງອອກຜະລິດຕະພັນສ່ວນໜຶ່ງໄປຕະຫຼາດອາລັບ,ອາຟຼິກາແລະເອີລົບ.
|
