|
|
 |
| (GMT+08:00)
2006-06-20 17:01:28
|
 |
|
ພາສີຕ້ານການຂາຍເລຂອງສະຫະພາບເອີລົບເຮັດໃຫ້ກຳມະກອນເຮັດເກີບຂອງຫວຽດນາມ 5 ແສນຄົນປະເຊີນກັບການຫວ່າງງານ
cri
Author: min
ຕາມຂ່າວສານຊິນຮວາ: ປະກາດແຈ້ງຂ່າວສະບັບໜຶ່ງທີ່ສະມາຄົມເກີບໜັງຫວຽດນາມປະກາດໃນວັນທີ 19 ມິຖຸນາຂຽນວ່າ, ພາສີຕ້ານການຂາຍເລທີ່ສະຫະພາບເອີລົບເກນເກັບເອົາກັບເກີບໜັງທີ່ຫວຽດນາມຜະລິດນັ້ນຈະເຮັດໃຫ້ກຳມະກອນ ອຸດສາຫະກຳເກີບໜັງຫວຽດນາມ 5 ແສນຄົນແລະກຳມະກອນທີ່ປະກອບອາຊີບທຳຜະລິດຜະລິດຕະພັນກ່ຽວກັບເກີບໜັງຂອງຫວຽດນາມເປັນຈຳນວນຫຼວງຫຼາຍປະເຊີນກັບການຫວ່າງງານ.
ປະກາດແຈ້ງການຂຽນວ່າ, ການຕົກລົງເກັບພາສີຕ້ານການຂາຍເລຂອງສະຫະພາບເອີລົບບໍ່ສາມາດປ່ຽນແປງທ່ວງທ່າຊຸດໂຊມໃນການແຂ່ງຂັນຂອງພໍ່ຄ້າຜະລິດເກີບໜັງຂອງສະຫະພາບເອີລົບ, ແຕ່ພັດຈະເຮັດໃຫ້ຄົນງານຫວຽດນາມທີ່ມີລາຍໄດ້ຕ່ຳນັບເປັນພັນເປັນໝື່ນຫວ່າງງານ, ຊຶ່ງເປັນເລື່ອງທີ່ເຮັດໃຫ້ຄົນທັງ ຫຼາຍຮັບເອົາຍາກ, ສະມາຄົມເກີບໜັງຫວຽດນາມຮຽກຮ້ອງໃຫ້ຄະນະກຳມາທິການສະຫະພາບເອີລົບຈົ່ງຄົ້ນຄວ້າການຕົກລົງເກັບພາສີຕ້ານການຂາຍເລຄືນໃໝ່.
ທ້າຍເດືອນມີນາປີນີ້, ຄະນະກຳມາທິການສະຫະພາບເອີລົບໄດ້ອະນຸຍາດໃຫ້ເກັບພາສີຕ້ານການຂາຍເລກັບເກີບໜັງຫວຽດນາມຊົ່ວຄາວເປັນເວລາເຄິ່ງປີນັບແຕ່ວັນທີ 7 ເມສາເປັນຕົ້ນໄປ. ໃນເວລາ 6 ເດືອນນີ້, ພາສີຕ້ານການຂາຍເລທີ່ສະຫະພາບເອີລົບເກັບນຳເກີບໜັງຫວຽດນາມຈະເພີ່ມຂຶ້ນຈາກ 4.2% ຮອດ 16.8%.
|
|
|
