ຕາມ​ຂ່າວ​ສານ​ຊິນ​ຮວາ:ວັນ​ທີ20​ມິຖຸນາ, ທ່ານ​ໂຄ​ອີ​ຈູ​ມີ ຈູ​ນີຊີ​ໂລນາ​ຍົກ​ລັດຖະມົນຕີ​ຍີ່​ປຸ່ນ​ໄດ້​ຈັດ​ງານ​ຊຸມນຸມ​ນັກ​ຂ່າວ​ປະກາດ​ຢ່າງ​ເປັນ​ທາງ​ການ​ວ່າ,ຍີ່​ປຸ່ນຈະຖອນ​ທະຫານ​ອອກ​ຈາກ​ອີຣັກ.

ທ່ານ​ໂຄ​ອີ​ຈູ​ມີ ຈູ​ນີຊີ​ໂລ​ເວົ້າ​ວ່າ,ຫຼັງ​ຈາກ​ກອງ​ປ້ອງ​ກັນ​ຕົວ​ເທິງ​ບົກ​ຖອນ​ອອກ​ຈາກອີຣັກ​ແລ້ວ,ຍີ່​ປຸ່ນຈະ​ຂະ​ຫຍາຍ​ຂອບ​ເຂ​ດ​ເຄື່ອນ​ໄຫວ​ຢູ່​ອີຣັກຂອງກອງ​ປ້ອງ​ກັນ​ຕົວ​ເທິງ​ອາກາດ​ທີ່​ຖື​ໂກ​ເວັດ​ເປັນທີ່​ໝັ້ນ,ຫາບ​ແບກ​ໜ້າ​ທີ່ຫຼາຍ​ກວ່າ​​ເກົ່າທີ່​ຂົນສົ່ງ​ທະຫານອາ​ເມ​ລິ​ກາ​ປະຈຳ​ອີຣັກ,ພະນັກງານ​ສະຫະ​ປະຊາ​ຊາດ​ແລະ​ວັດຖຸ​.

ອີງ​ຕາມຂໍ້​ຕົກລົງ​ຖອນ​ທະຫານ​ທີ່ທ່ານ​ໂຄ​ອີ​ຈູ​ມີ ຈູ​ນີຊີ​ໂລ​ປະກາດ​,ຕອນ​ບ່າຍວັນ​ທີ20,ທ່ານ​ນູຄາ​ກາ ຟູ​ຄູ​ຊີ​ໂຣ ຫົວ​ໜ້າ​ກົມ​ປ້ອງ​ກັນ​ປະ​ເທດ​ຍີ່​ປຸ່ນ​ໄດ້​ ​ຄຳ​ສັ່ງ​ຖອນ​ທະ​ຫານ​ຕໍ່ກອງ​ປ້ອງ​ກັນ​ຕົວ​ທີ່​ປະຈຳ​ຢູ່ອີ​ຣັກ,ນາຍ​ແລະ​ພົນທະ​ຫານ​ກອງ​ປ້ອງ​ກັນ​ຕົວ​​ເທິງບົກ​ຂອງ​ຍີ່​ປຸ່ນປະ​ມານ600​ກວ່າ​ຄົນ​ທີ່​ປະຈຳຢູ່​ພາກ​ໃຕ້​ອີຣັກ​ໃນ​ປັດຈຸບັນ​ນັ້ນ​ຈະທະ​ຍອຍ​ກັນ​ຖອນ​ອອກ​ຈາກ​ອີຣັກ​ເດີນທາງ​ຄືນ​ຍີ່​ປຸ່ນ.