|
ກຳປູເຈຍໂຮມສູນທຳລາຍອາວຸດຜິດກົດໝາຍ 5100 ກວ່າເຄື່ອງ
cri
Author: mo
|
ຕາມຂ່າວສານຊີນຮວາ: ວັນທີ 20 ມິຖຸນາ, ລັດຖະບານກຳປູເຈຍໄດ້ຈັດພິທີຢູ່ເມືອງຕັກມາວ ພາກໃຕ້ພະນົມເປັນ, ໂຮມສູນທຳລາຍອາວຸດຜິດກົດໝາຍ 5100 ກວ່າເຄື່ອງ.
ທ່ານຮຸນແຊນ ນາຍົກລັດຖະມົນຕີກຳປູເຈຍໄດ້ເປັນປະທານໃນພິທີທຳລາຍອາວຸດ. ທ່ານເວົ້າວ່າ, ໃນຫຼາຍປີມານີ້, ລັດຖະບານກຳປູເຈຍໄດ້ຮັບຜົນງານດີເດັ່ນໃນດ້ານຮິບເອົາແລະທຳລາຍອາວຸດທີ່ຜິດກົດໝາຍ, ປັດຈຸບັນ, ໄດ້ທຳລາຍອາວຸດປະເພດຕ່າງໆປະມານ 2 ແສນກວ່າເຄື່ອງແລ້ວ, ໄດ້ປົວແປງສະພາບຄວາມສະຫງົບທາງສັງຄົມຢ່າງຫຼວງຫຼາຍ. ພ້ອມກັນນັ້ນ, ທ່ານຮຸນແຊນຊີ້ອອກວ່າ, ກຳປູເຈຍຍັງຈະເພີ່ມທະວີການຄຸ້ມຄອງອາວຸດຕື່ມອີກ, ສືບຕໍ່ຮິບເອົາແລະທຳລາຍປືນທີ່ຜິດກົດໝາຍ, ສ້າງສະພາບແວດລ້ອມສັງຄົມທີ່ປອດໄພກວ່າເກົ່າໃຫ້ແກ່ການສ້າງສາເສດຖະກິດແຫ່ງຊາດ.
|
|
