|
|
 |
| (GMT+08:00)
2006-06-21 17:38:24
|
|
ກຳມະກອນນ້ຳມັນເຊື້ອໄຟສອງຄົນຂອງຟີລິບປິນຖືກຜູ້ປະກອບອາວຸດລັກພາຕົວຢູ່ພາກໃຕ້ນີເຊເລຍ
cri
Author: cai
ຕາມຂ່າວCRI:ວັນທີ 20 ມິຖຸນາ,ຢູ່ທ່າກຳປັ່ນຮາໂຄດ ແຫຼ່ງຜະລິດນ້ຳມັນເຊື້ອໄຟພາກໃຕ້ນີເຊເລຍ,ກຳມະກອນນ້ຳມັນເຊື້ອໄຟສອງຄົນຂອງຟີລິບປິນໄດ້ຖືກຜູ້ປະກອບອາວຸດທີ່ບໍ່ຮູ້ຖານະລັກພາຕົວ.
ໂຄສົກຂອງບໍລິສັດນ້ຳມັນເຊື້ອໄຟນອກແວແຫ່ງໜຶ່ງທີ່ມີການພົວພັນທາງທຸລະກິດກັບບໍລິສັດທີ່ຜູ້ຖືກລັກພາຕົວເຮັດວຽກຢູ່ນັ້ນເວົ້າວ່າ,ຕົວປະກັນສອງຄົນນີ້ແມ່ນຖືກຜູ້ປະກອບອາວຸດ 6 ຄົນທີ່ຂີ່ເຮືອໄວລັກພາຕົວໃນເວລາປະມານ 12 ໂມງທ່ຽງເວລາທ້ອງຖິ່ນ.ຝ່າຍຕຳຫຼວດທ້ອງຖິ່ນໄດ້ຢືນຢັນຂ່າວນີ້ແລ້ວ,ແລະພວມສຳຫຼວດເຫດການດັ່ງກ່າວ.
ນີເຊເລຍແມ່ນປະເທດຜະລິດນ້ຳມັນເຊື້ອໄຟໃຫຍ່ທີໜຶ່ງຂອງອາຟຼິກາ,ເຂດຜະລິດນ້ຳມັນເຊື້ອໄຟຢູ່ພາກໃຕ້ຂອງເຂົາບໍ່ສະຫງົບຕະຫຼອດປີ.ແຕ່ຕົ້ນປີນີ້ມາ,ຢູ່ເຂດຜະລິດນ້ຳມັນເຊື້ອໄຟຂອງນີເຊເລຍໄດ້ເກີດເຫດການລັກພາຕົວກຳມະກອນນ້ຳມັນເຊື້ອໄຟຕ່າງປະເທດຫຼາຍລາຍແລ້ວ.
|
|
|
